VOV4.K’ho - Drim òr (23/6), kuang bàng đơng lam càr Lâm Đồng neh lơh broă mờ ồng Kitanaka, kuang atbồ đah tơnguh bơtàu [òn lơgar gơwèt anih lơh broă bal dunia lơgar Nhờk (JICA Tokyo) bal mờ ală kuang bàng tàm mpồl. Kuang bàng đơng lam càr Lâm Đồng neh yal ală bơta geh, bơta pràn tòm càr Lâm Đồng dê bè tơnguh bơtàu phan tam jo\ tơngai bè ce, kơphe bal mờ ală bơta biăp, bơkàogeh khà niam, mờ đơs niam ală cồng nha lơh broă bal lài ngan geh [uơn niam, di tơngai yal bơh mpồl JICA mờ càr Lâm Đồng tàm broă lơh jăt rơndăp broă tơnguh bơtàu lơh sa suơn sre jăt broă lơh uă gah lơh broă. 2 gah neh ring bal 4 khà tòm bơh rơndăp broă do tàm càr Lâm Đồng là: tơnguh bơtàu khà măt phan kă bro ală phan geh lơh bơh broă lơh sa suơn sre geh pơnrơ ngan lơgar Việt Nam dê; lơh tiah lơh sa mờ măy mo\k broă lơh sa suơn sre bè tam biăp hữu cơ tăc mờ lơgar bơdìh; lơh ală broă lơh lam lài tơnguh bơtàu nhơl chờ bè broă tam phan mờ bơto cau lơh broă gah lơh sa suơn sre.

Cau mblàng Ndong Brawl