VOV4.K’ho – Mho òr 28/7, tàm Hìu Gơnoar ala mat dà lơgar dê, mò Nguyễn Thị Kim Ngân, Kuang atbồ Gơnoar ala mat dà lơgar, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar, bal mờ kuang bàng đơng lam bồ Đảng mờ Dà lơgar neh geh dơ\ tìp mat mờ ală kuang bàng Gơnoar ala mat dà lơgar kơnă XIV là cau kòn cau. Tàm dơ\ tìp mat, mò Nguyễn Thị Kim Ngân đơs tờm, ală nam do, Đảng mờ Dà lơgar he neh mu\t lơh uă gùng dà broă lơh bơtàu tơnguh tơl làm mờ lơh geh tơl ală bơta nàng ală làng bol kòn cau bal mờ nùs nhơm sơrlèt gan, ờ bài kờn ko\ng mờ bơta jơgloh r[ah, brồ guh bơta pràn is, tam klac bal, sơr lèt gan jơh ală kal ke mờ bơta lòng, dùl nùs dùl tồr bal sền gàr cồng nha lơh geh bơh kăc màng dê, jơh nùs bơ\t bơtàu [òn lơgar pas sơm niam bơne\. Uă broă bơcri priă tàm tiah kòn cau neh ngan ngồn lơh geh cồng nha, dong kờl, bơto pơlam làng bol ală kòn cau lơh ngan đòm jat ală bơta jak chài pa tàm broă lơh sa mờ rài kis; broă bơto bơtê, lơh sơnơm tàm tiah kơh bơnơm, tiah nhàr lơgar, tiah làng bol kòn cau geh uă bơta bơtàu tơnguh jak chài.

Cau cih mờ yal tơngi\t- Lơ Mu K’ Yến