VOV4.K’ho – Ngai òr, 06/4, Gơnoar ala mat dà lơgar neh ngan ngồn yal ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar tơlik mat te\ khà lơh kuang gơs gơnap gơnoar atbồ hơđang rlau jơh dà lơgar, ala ồng Nguyễn Tấn Dũng, kuang gơs gơnap gơnoar atbồ hơđang rlau jơh dà lơgar pa geh tơn jơh lơh broă. Kềng bơdìh hìu lơh broă gơnoar ala mat dà lơgar, ală kuang bàng kơp kờ`, dilah geh pồ, kuang gơs gơnap gơnoar atbồ hơđang rlau jơh dà lơgar pa geh ală tam gơl pa nàng lam dà lơgar ngai sơlơ bơtàu tơnguh.

Ồng Đinh Huy Chiến, mpồl kuang bàng gơnoar ala mat dà lơgar càr Thái Nguyên đơs là, tàm broă bơtàu tơnguh lơh sa, mpồl bơtiàn, bol he neh lơh geh uă cồng nha dờng màng. Mơya bol he kung gam mut gơ rờm bal ngai sơlơ uă tàm dunia. Bơta do sồr kuang gơs gơnap gơnoar atbồ hơđang rlau jơh dà lơgar pa mờ ală kuang bàng tàm Gơnoar atbồ lơgar pal lơh bè lơi nàng pơnjat tai brồ guh ală cồng nha bơh tơngai lơh broă lài, ngan là pal bơsong mơ ală bơta ờ niam  mờ jơnau yal gơnoar atbồ lơgar dê neh đơs. Ồng Đinh Huy Chiến kơp kờ`: “ A` pin dờn kuang gơs gơnap gơnoar atbồ hơđang rlau jơh dà lơgar tơngai lơh broă pa geh bơtàu tơnguh niam nùs nhơm gùng dră bal, gơnoar đơng lam dà lơgar, sền gàr, jat jơng cồng nha bơh kuang gơs gơnap gơnoar atbồ hơđang rlau jơh dà lơgar tơngai lơh broă lài dê. Kuơ màng, broă mut gờm bal lơh sa dunia, dong ală mpồl lơh sa kă bro, cau lơh sa kă bro mờ làng bol geh bơta [uơn pa tàm bơtàu tơnguh lơh sa.”

Jat ồng Đỗ Văn Đương bơh mpồl [òn dờng  Hồ Chí Minh,  kuang gơs gơnap gơnoar atbồ hơđang rlau jơh dà lơgar  pa geh pồ tàm ngai do, kờ` lơh tus ala\ Gah, sơnah lơh broa\, ala\ càr, [òn dờng đơs lòt bal mờ broa\ lơh,  lơh pal geh yal,  geh sền gròi,  cau lơh tìs pal gơbàn lơh glài. Trơ wơl wơl,  ala\ cau lơh niam den pal geh jờng, pơnjờng. Ồng Đỗ Văn Đương đơs la,  tàm  bè tu\ do,  kuang gơs gơnap gơnoar atbồ hơđang rlau jơh dà lơgar  pa, kờ` pal geh ua\ kơrnuat broa\ lơh nàng lơh pràn bơtàu tơngguh lơh sa,  khà ngui dơ\ pria\ jền dà lơgar  geh cồng nha nàng tơmù dồs dà lơgar, tơmù ngui dơ\ pria\ ua\ ir. Ngan la,  kuang gơs gơnap gơnoar atbồhơđang rlau jơh dà lơgar pa bal mờ atbồ Đảng, Dà lơgar kờ` pal geh ala\ broa\ lơh kràn rlau sơndra\  sa kuề sa kùa, bơh sa kuề sa kùa dềt tus sa kuề sa kùa dờng.

          Cau cih mờ yal tơnggit K’ Brọp mờ K' Duẩn