VOV4.K’ho- Tàm dơ\ pơrjum cribơyai bè lơh sa- mpồl bơtìan drim ngai 3/11, tàm pơrjum dơ\ 10, Quốc hội khoá 14, uă kuang bàng Quốc hội đơs là, broă lơh hìu ma\y pờ tơlik ồs đèng di mơ mờ dềt bè pa do là bơta kuơ ờ geh mơya geh uă bơta aniai. Uă cau te\ khà đơs là, ngan ngồn bơh broă bơcri priă lơh hìu ma\y pờ tơlik ồs đèng dềt là ngui dơm chi mờ phan kuơ geh is dùl bă di pal mờ kơrnoat boh lam.

Mò Nguyễn Thị Xuân mpồl Kuang bàng Quốc hội càr Dak Lak), pà g^t, bơh bơta geh ngan bơh trồ tiah lơh aniai, mìu càl rơbu\t dờng, dà ko\ dà cò tiah tàm gùl lơgar tu\ do mò sền go\ là broă do pal pơgồp bal mờ broă lơh rcang sơndră trồ tiah lơh aniai, mìu càl rơbu\t dờng, dà ko\ dà cò mờ broă sền gàr lơngap lơngai năng lượng. Hơ\ là broă brê dờng geh is, brê rcang gàr bồ tô dà, brê bồ tô dà, ờ do ờ dă tơnau dơng dà, broă bơt hìu ma\y pờ tơlik ồs đèng di mơ mờ dềt, broă rơndap ù tiah bơt bơtàu phan bơna.

Mò Nguyễn Thị Xuân sồr Quốc hội mờ Chính phủ pơn jat tai ai lơh jat broă lơh tam brê ndrờm bè broă lơh tam brê 327 lài do. Tam brê lơh gơlik brê wơl là broă lơh jal mhar ngan rlau jơh, geh brê den geh gàr bồ tô dà, geh brê den geh tơr mù [à bơta pơ hìn dà ko\ dà cò.

Cau mblàng K’ Hạnh