VOV4.K’ho – Pơnjat tai broă lơh pơrjum dơ\ 9, Gơnoar ala mat dà lơgar kơnă 13, drim do 28-5, Gơnoar ala mat dà lơgar iat sră yal mờ jơnau yal sền sơ wì rơndap adat lùp jơnau đơs làng bol; jơnau yal mblàng, cih dờp, bơsong rơndap adat phan geh is, tiah ơm kis dà lềng mờ bồt dà lềng mờ cribơyai bè rơndap adat do. Lài mờ hơ\, ngai òr, cribơyai bè bơta 60 bơh Adat sền gàr mpồl bơtiàn, ală kuang bàng đơs là, bơta 60 Adat sền gàr mpồl bơtiàn nam 2014 là dipal mờ gùng dà, broă lơh bơh Đảng, dà lơgar dê bè rề ơnàng cau geh dờp bơta dong kờl bơh broă lơh sền gàr mpồl bơtiàn dê. Gơnoar ala mat dà lơgar neh sền sơ wì sac rơ wah bơta 60 bơh Adat sền gàr mpồl bơtìan jat broă lơh pơn jờng cau lơh broă prap gàr tơngai tă priă sền gàr mpồl bơtiàn nàng geh dờp priă nhai jơh sơnam lơh broă tu\ kra. Ală kuang bàng sồr, pal sền sơ wì tam gơl bơta 60 jat rơndap broă nhap nhar rlau, sền dờng màng rlau gơnoar geh sac rơ wah bơh cau lơh broă dê, nàng khi geh sac rơ wah broă lơh lơi geh kuơ ngan rlau jơh khi in tàm ală tơngai mùl màl den geh Adat sền gàr. Dilah ờ hềt tam gơl bơta 60 den Gơnoar ala mat dà lơgar pal geh kơrnuat is ai gơnoar pơnjat tai mut ngui bơnah C, sèng 1, bơta 55 bơh Adat sền gàr mpồl bơtiàn nam 2006.

Bơh tàm dơ\ sền gròi pơrjum dơ\ 9, Gơnoar ala măt dà lơgar kơnă 13, tàm ngai cri bơyai bè bơta 60 adăt sền gàr mpồl bơtiàn nam 2014, geh uă cau te\ khà tàm càr Gia Lai đơs là, pal tam gơl kờ` di pal mờ bơta mùl màl tu\ do. Cau te\ khà Lê Trung Thiệu, kuang atbồ mpồl ala măt cau dờng sơnam càr Gia Lai đơs là, broă tam gơl bơta 60 adăt sền gàr mpồl bơtiàn nam 2014 là pal geh. Jăt mờ hơ\, broă ai cau lơh broă geh gơnoar rơwah priă sền gàr mpồl bơtiàn 1 dơ\ ha là ơm ing tơngai tă priă sền gàr mpồl bơtiàn là di pal, di mờ broă kờ` bal mờ jơnau kơ\p kờ` cau lơh brioă dê: “Ală cau lơh broă mờ tă priă sền gàr mpồl bơtiàn ờ hềt tơl jăt mờ kơrnoăt, bè hờ đơm 20 nam tài geh bơta lơi, cau kờ` dờp 1 dơ\ kờ` geh priă lơh broă do, broă ndai. Di bè hơ\, kơ\p kờ` Gơnoar ala măt dà lơgar pơrjum dơ\ do pal lơh bè lơi sền wơl, sền nền nòn di pal. Kờ` lơh bè lơi, adăt pal drơng cau lơh broă in, ai cau lơh broă sa priă nhai in geh tơl niam tàm rài kis”.

Den ồng Đoàn Ngô, kuang jăt jơng atbồ gah sền gàr mpồl bơtiàn càr Gia Lai đơs là: “Broă rơwah broă dờp priă sền gàr mpồl bơtiàn 1 dơ\ ha là lời ing tơngai lơh broă pal geh sền wơl. Bol a` dan mờ Gơnoar ala măt dà lơgar pal geh 1 kơrnoăt kờ` bơtơl tàm bơta 60 adăt sền gàr mpồl bơtiàn tam gơl. Kờ` bơto sồr ală cau geh rài kis kal ke geh rơwah broă dờp priă sền gàr mpồl bơtiàn 1 dơ\. Den ală cau geh tơl tàm rài kis mờ kờ` den geh lời ing tơngai lơh broă”.

Cau mblàng Ndong Brawl mờ K’ Duẩn