VOV4.K’ho - Cri bơyai tềng bơdìh hìu pơrjum Gơnoar ala măt dà lơgar tơnơ\ mờ tu\ ồng Nguyễn Xuân Phúc, geh Gơnoar ala măt dà lơgar pồ lơh kuang gơs gơnăp gơnoar atbồ hờ đang rơlao jơh dà lơgar drim òr (07/4), geh uă kuang bàng đơs là: do là 1 broă lơh gơguh jăk pa tàm broă lơh Gơnoar atbồ lơgar dê.

Tàm tơngai tus, tàm groăt pa, ală kuang bàng tàm Gơnoar ala măt dà lơgar kơ\p kờ` ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar pa geh pồ, geh lơh gơs jăk chài kơnòl Đảng, Dà lơgar, Làng bol bal mờ cau te\ khà jàu. Ală kuang bàng kơ\p kờ` Kuang gơs gơnăp gơnoar atbồ hờ đang rơlao jơh dà lơgar pa geh pồ geh tơl^k loh làng nùs nhơm song dơ pă, ngăc ngar, jăk chài bơh 1 nă cau lam bồ Gơnoar atbồ lơgar, bơh tu\ hơ\ pơn jăt tai chồl pràn broă lơh niam wơl, tam gơl pa broă đơng lam broă lơh Gơnoar atbồ lơgar. Uă kuang bàng đơs, tàm tơngai tus, bơdìh mờ ală bơta [uơn, dà lơgar he geh gơtìp mờ uă kal ke bè broă tơnguh bơtàu lơh saq-mpồl bơtiàn, càr niam gơnoar dà lềng, bồt dà lềng…Den tàng, kơnòl geh ai mờ Kuang gơs gơnăp gơnoar atbồ hờ đang rơlao jơh dà lơgar bal mờ Gơnoar atbồ lơgar là uă ngan. Ală kuang bàng tơl^k nùs nhơm kơ\p kờ` Gơnoar atbồ lơgar geh tơrgùm tàm ală kơnòl tòm, bơsong niam ală broă bè kes priă mờ broă koh tơmù khà priă bơcri dà lơgar, tềm pềr; tơmù khà kuang bàng lơh broă; tơrgùm kuang bàng kờ` tơnguh bơtàu lơh sa; lơh niam wơl mpồl kuang bàng kờ` drơng làng bol, bơ\t bơtàu mpồl kuang bàng mùl màl là cau drơng broă làng bol dê.

                                                                               Cau cih mờ yal tơng^t Ndong Brawl