VOV4.K’ho – Mho òr 28/4, tàm Hà Nội, ồng Lê Bá Trình kuang jat jơng atbồ Anih duh broă gah tề lam gùng dră bal dà lơgar Việt Nam wa\ rò mpồl cau ala mat ală gah jat yàng càr Quảng Trị di dơ\ mpồl lòt còp càr lơgar Hà Nội.

Ala mat Mpồl lơh broă sùm Anih duh broă gah tề lam gùng dră bal dà lơgar Việt Nam, ồng Lê Bá Trình nting săp kơ\p kờn mpồl ala mat ală gah jat yàng lòt còp hìu ơm bal bơh mpồl tam klac dờng gùt jơi bơtiàn dê. Iat kơno ală jơnau đơs tă pơgồp bơh ală cau ala mat ală gah jat yàng càr Quảng Trị dê, ồng Lê Bá Trình đơs tờm, ală jơnau tam pà bơh ală cau ala mat geh dong anih duh broă gah tề lam gùng dră bal dà lơgar Việt Nam geh tai bơta pràn “tàm tơrbo\ bal” đah Đảng, Dà lơgar, ală rơnàng làng bol mờ ală gah jat yàng tam klac bal, sơr lèt gan kal ke, pơgồp bơnah bơ\t bơtàu [òn lơgar, dà lơgar. Ồng Lê Bá Trình kơ\p kờn ală cau duh broă yàng mờ làng bol jat yàng càr Quảng Trị geh tam klac bal dùl nùs, tơrgùm bal pràn bơ\t bơtàu [òn lơgar, lơh ai rài kis bơh làng bol dê bơtàu tơnguh. Mơkung pơn jat tai ngui bơngă mờ bơta gơrềng bơh he dê tàm broă lơh tàm gơ jat bal Yàng mờ Rài kis, tam klac bal ală jơi bơtiàn kòn cau, gah jat yàng; bơto pơlam làng bol, mờ cau jat yàng kis niam tàm rài kis lơh àng sơndah jơnau yàng, pơgồp bơnah uă rlau tai ai broă lơh bơ\t bơtàu mờ bơtàu tơnguh [òn lơgar ngai sơlơ dờng pràn pas sơm niam bơne\.

Cau cih mờ yal tơngi\t- Lơ Mu K’ Yến