VOV4.K’ho- Phó Chủ tịch Ủy ban Nhân dân càr Dak Nông, ồng Lê Trọng Yên pa lòt sền ngan ngồn tiah gơtìp dà ko\ dà cò lơh aniai tàm thị trấn Ea T’ling, kơnhòal Cư Jut mờ xã Buôn Choah, kơnhòal Krông Nô. Jat jơnau yal bơh Ủy ban Nhân dân kơnhòal Cư Jut mờ Krông Nô dê, pa do, tơnau dơng dà hìu ma\i pờ tơlik ồs đèng Buôn Kuốp sùm yuh dà, dà dờng Srêpôk gơguh tih jơnhua lơh gơbàn hoàc huơr dờng ngan. Mùl màl, dà ko\ dà cò neh cò pơrdô 26 nơm hìu gu\ ròng ka lăng tàm tổ dân phố 7, thị trấn Ea T’ling. Git nđờ jơt lồ chi tam làng bol 2 kơnhòal Cư Jut mờ Krông Nô dê kung gơtìp ngơr bam. Kờp jơh hoàc huơr bơh làng bol dê kờp du\ git nđờ tơmàn đong.

Bơh lòt sền ngan ngồn, Phó Chủ tịch Ủy ban Nhân dân càr Dak Nông, ồng Lê Trọng Yên sồr Sở Công thương mờ ală mpồl lơh broă geh gơ rềng lơh broă mờ Kong ti hìu ma\i pờ tơlik ồs đèng Buôn Kuốp nàng git loh broă yuh dà ko dà cò. 2 kơnhòal Cư Jut mờ Krông Nô kờp sền, ngui kes pria\ kơnhòal di tu\ dong kờl nàng làng bol in gàr niam rài kis mờ broă lơh sa.

Cau mblàng K’Duẩn