VOV4.K’ho- Mho òr 24/8, pơn jat tai dơ\ lòt còp mờ lơh broă tàm ală càr bơh lơgar Campuchia dê, Mpồl kuang bàng dờng màng càr Kontum lòt còp mờ lơh broă mờ Ban chấp hành Đảng Làng bol Campuchia càr Rattanakiri mờ Ủy ban chính quyền càr Rattanakiri.

Kuang bàng càr Rattanakiri wa\ rò mpồl kuang bàng dờng màng càr Kontum

Kuang đơng lam bồ càr Kontum sồr, tơngai tus, 2 càr: Rattanakiri mờ Kontum pơgồp bal lơh ală broă lơh cribơyai broă mờ lơgar ndai đah 2 gah, kờ` gàr bơta gi\t gơ\p rềp bal niam bơne\ mờ chul chồl lơh broă bal tơl làm tàm jơh ală broă mờ 2 gah neh ki\ hơ.

Tàm hơ\, sền dờng màng broă lơh sền gàr lơngăp lơngai tiah nhàr lơgar, broă lơh sơn tơ\p jrong cồng tàm tiah nhàr lơgar, bơtàu tơnguh lơh broă sa sươn sre brê bơnơm, bơcri priă, kă bro, drơng broă, niam chài, tàp pràn să jan, nhơl chờ, bơto bơtê mờ lơh sơnơm; sơlơ lơh broă bal tàm tiah Pe Mum bơtàu tơnguh Campuchia- Lào mờ Việt Nam mờ mpồl bơtiàn lơh sa Asean;

Sền dờng màng broă lơh mblàng yal, bơto bơtê rơnàng kơnòm să gi\t wa\ jrô bè bơta gi\t gơ\p tam klac bal, lơh bơyô bal ờs mờng bơh yau mờ lơh broă bal tơl làm đah Việt Nam mờ Campuchia đơs bal, đah càr Kontum mờ Rattanakiri đơs is, mơkung sơlơ cribơyai tàm yal tơngi\t bal bơta mờng chài bè broă lơh Đảng, broă lơh broă mờ lơgar ndai làng bol...

Càr Kontum pà càr Rattanakiri in 3 tơmàn priă nàng bơ\t bơtàu broă lơh sền gàr tơl niam rài kis mpồl bơtiàn

Di tàm dơ\ do, Mpồl kuang bàng dờng màng càr Kontum dê jàu pà càr Rattanakiri in 3 tơmàn priă nàng lơh broă lơh sền gàr tơl niam rài kis mpồl bơtiàn.

Cau cih mờ yal tơngi\t- Lơ Mu K’Yến