VOV4.K’ho – Lồi poh lài, Kuang đơng lam bồ càr Lâm Đồng neh geh dơ\ cribơyai mờ rlau 400 nă đoàn viên, ơruh pơnu mờ tơngume “Ơruh pơnu Lâm Đồng tam sơm băt tê bal sơnđờm mu\t lơh broă mờ sền gàr tiah ơm kis”. Dơ\ cribơyai neh geh lơh tàm nùs nhơm sơrmah sơr mài, rềp mềl. Rlau 20 jơnau đơs bơh đoàn viên ơruh pơnu dê gùt dar bơta sơnđờm mu\t lơh broă, priă càn nàng sơnđờm mu\t lơh broă, ală chính sách dong kờl rơndăp broă lơh sơnđờm mu\t lơh broă…mờ geh uă ngan jơnau kơlôi sơnơng geh ală cau bơyô yal. Ală jơnau đơs, jơnau kơlôi rơcang, kòl yan neh geh kuang đơng lam bồ ală sở, gah sơnah lơh broă càr dê hơ loh làng bal mờ jơnau pơn jờng nàng ơruh pơnu ngui niam bơta pràn kơnòm să mờ pràn jak bơceh pa, khin kơlôi khin lơh, mơkung lơh niam nùs nhơm lam lài, lơh is bơh rơnàng kơnòm să dê bal mờ ală kơnă ală gah bơ\t bơtàu [òn lơgar pa, sền gàr tiah ơm kis.

Cau cih mờ yal tơngi\t- Lơ Mu K’ Yến