VOV4.Kho – Ngai òr 18/1, tàm Anih duh broă làng bol càr Lâm Đồng, ồng Đoàn Văn Việt kuang atbồ Anih duh broă làng bol càr Lâm Đồng neh wă ồng Herminio Lopez Diaz, kuang atbồ anih ala mat lơgar Cuba tàm lơgar Việt Nam mờ pơ ùr. Tus bal dơ\ wă gam geh kuang đơng lam bồ mpồl lơh sa kă bro Vaccine Pasteur Dà Làc, mpồl lơh sa kă bro phan ngui tàm gah lơh sơnơm Minh Đức, gam geh hòi là mpồl lơh sa dờng phan ngui gah lơh sơnơm AMV, gah lơh sơnơm càr, gah lơh broă mờ lơgar ndai càr, gah lơh broă sa mờ bơtàu tơnguh [òn lơgar càr, gah chài rơgơi – tàp pràn să jan mờ nhơl chờ càr, anih tờm hòi jà bơcri priă kă bro mờ nhơl chờ càr. Kuang đơng lam bồ mpồl lơh sa kă bro Vaccine Pasteur Dà Làc yal bè bơta tam klac bal đah mpồl lơh sa kă bro mờ ală mpồl lơh broă bal lơgar Cuba. Broă tam klac neh lơh tềl 10 nam ală mpồl lơh broă bal lơgar Cuba neh jàu công nghệ lơh gơlik sơnơm Vaccine mpồl lơh sa kă bro do in. Tàm dơ\ lơh broă, ồng Herminio Lopez Diaz mờ pơ ùr neh tus còp mpồl lơh sa kă bro sơnơm Vaccine Pasteur Dà Làc, tus sền hìu mai\ lơh sơnơm vaccine. Tàm do, ồng đơs tờm, đah anih ala mat lơgar Cuba, kơp kờ` pơnjat tai geh ală rơndap broă tam klac bơtàu tơnguh nàng ngan ngồn jàu công nghệ lơh gơs uă sơnơm vaccine drơng làng bol in.

                                                        Cau cih mờ yal tơngit K’ Duẩn.