VOV4.K’ho – Di tơngkah 68 nam Ngai cau ling sồt să, cau ling chơt màng ( 27/7/1947 – 27/7/2015), drim òr, 27/7, Mpồl kuang ala mat Mpồl đơng lam Đảng dà lơgar, Kuang atbồ lơgar, Gơnoar ala mat dà lơgar, Gơnoar atbồ lơgar, Anih duh broă Gah tề lam gùng dră bal dà lơgar Việt Nam neh tus ơn guàng bơkàu, chu `àng kah kơlôi ală cau ling chơt màng tàm Rùp mòn kah kơlôi ală cau ling chơt màng.

          Guàng bơkàu bơh mpồl dê geh cih “ Sùm sùm kah ưn ngài ală cau ling chơt màng”. Tàm sap ntas jơnau đơs crih “ Huềng sòan cau chơt phi să”, ală kuang đơng lam bồ Đảng, Dà lơgar mờ ală kuang ala mat neh lời dùl phút kah kơlôi, ràng tơlik nùs nhơm kah ưn ngài uă ngan tus mờ ală cau ling chơt màng neh chơt phi să tài rài ngap lơngai is, khat gơboh mờ bơta tơr gùm dùl, pas sơm dà lơgar dê.

          Pơnjat hơ\, mpồl kuang bàng bơh Mpồl đơng lam Đảng dà lơgar, Kuang atbồ lơgar, Gơnoar ala mat dà lơgar, Gơnoar atbồ lơgar, Anih duh broă Gah tề lam gùng dră bal dà lơgar Việt Nam neh ơn guàng bơkàu mờ mut ies còp gơlang bồc Bác Hồ, ràng tơlik nùs nhơm sền ngềr, kah ưn ngài dà kơl hề dờng màng bơh Bác Hồ dê tus mờ broă lơh kac màng bơh Đảng mờ jơi bơtìan dê.

                                                                            Cau mblàng K' Duẩn.