VOV4.K’ho – Ngai òr, tàm gơlang Chủ tịch, Chủ tịch lơgar Trần Đại Quang wă Thủ tướng Lào Thongloun Sisoulith tus lùp còp di tu\ tus bal pơrjum Ủy ban chính phủ 2 lơgar dơ\ 39. Đơs niam cồng nha dơ\ pơrjum Ủy ban Chính phủ 2 lơgar dơ\ 39 bơh 2 Thủ tướng đơng lam bal, Chủ tịch lơgar đơs tờm ală tơngume mờ broă rơndap lơh mờ 2 gah neh cribơyai geh pơrya kuơ màng ngan dong chul chồl ală gah, sơnah lơh broă, ală càr, [òn dờng, mpồl lơh sa kă bro 2 lơgar mut ngui ală jơnau ringbal dờng màng. Chủ tịch lơgar pà git, geh đơng lam ală anih lơh broă lơgar Việt Nam dê pơgồp bal krà` cê, chồl pràn bơyai lơh niam ală broă lơh tơngkah 55 nam ngai crơng gơs git gơp lơh broă bal mờ 40 nam ngai ki\ Hiệp ước git gơp lơh bơyô bal mờ tam klac Việt Nam – Lào tàm nam do.

Dùl ngai bal, tàm Hìu Quốc hội dê, mò Nguyễn Thị Kim Ngân, Chủ tịch Quốc hội neh wa\ rò Thủ tướng Lào Thoonglun Sisulith. Mò Nguyễn Thị Kim Ngân đơs tờm, Quốc hội Việt Nam geh bal mờ Quốc hội Lào pơn jat tai dong kờl lơh geh tơl ală bơta niam nàng Chính phủ 2 lơgar in lơh geh cồng nha ală jơnau ring bal đah kuang bàng dờng màng bơh 2 lơgar dê mờ ală Hiệp định tam klac lơh broă bal. Tàm ală dơ\ tìp mat, Thủ tướng Lào geh jơnau đơs ưn ngài uă ngan bè bơta kờn bal, dong kờl uă ngan mờ di tu\ mờ geh cồng nha bơh Việt Nam dê neh ai lơgar Lào in bơh lài tus tu\ do. Thủ tướng Lào chờ hờp bè bơta gi\t gơ\p tam klac bal dờng màng mờ tam klac lơh broă bal tơl làm đah Việt Nam mờ Lào ngai sơlơ bơtàu tơnguh tàm ală broă lơh ngan ngồn, pơgồp bơnah kuơmàng tàm broă lơh bơ\t bơtàu mờ sền gàr Dà lơgar bơh bàr lơgar dê....

                           Cau cih mờ yal tơnggit K’Duẩn, Lơmu K’Yến