VOV4.K’ho – Di dơ\ sa Tềp bơhiàn Bính Thân 2016, mpồl lơh broă bơh mpồl đơng lam Đảng, Mpồl duh broă ala mat làng bol, Anih duh broă làng bol, anih duh broă gah tề lam gùng dră bal dà lơgar Việt Nam càr Dak Lak bơh ồng Y Phu Êban kuang atbồ đơng lam Đảng càr Dak Lak lơh kuang atbồ mpồl neh lòt còp, nting săp sa Tềp, kuang bàng mờ cau ling tàm ală mpồl ling tàm càr. Mpồl lòt còp, mờ nting săp sa Tềp tàm ală Pôs đồng ling sền gàr nhàr lơgar mpồng nhàr lơgar Đá Bằng, York M’Bre, Ea H’Leo, Ia R’vê, Đại đội binh 2 di Mpồl đơng lam ling klàng càr mờ Gah đơng lam mpồl ling sền gàr tiah nhàr lơgar càr. Ala mat kuang đơng lam càr, ồng Y Phu Êban pơyua jơnau nting săp sa tềp tus mờ ală kuang bàng, cau ling mờ hìu bơnhă; mơkung kơ\p kờn ală mpồl lơh ngan sơr lèt gan kal ke, lơh gơs kơnòl broă geh jàu, gàr niam bơta lơngăp lơngai tàm tiah nhàr lơgar, sền gròi ai kuang bàng, cau ling in wa\ rò sơnam pa sa Tềp chờ hờp, ờdo ờdă mờ tềm pềr. Ồng Y Phu Êban kung sồr ală mpồl ling chờ sơnam pa ờ go\ di hi\u kơnòl broă geh jàu, drơng sa Tềp kờn gàr tơl khà ling, gàr niam kơrnoat drơng rơcang tam lơh, rơcang sơndră dô gan nhàr lơgar tìs mờ kơrnoat boh lam…

Cau cih mờ yal tơngi\t- Lơ Mu K’ Yến