VOV4.K’ho - Mho òr (18/6), tàm Hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar at bồ hơđang rlau jơh dà lơgar neh wa\ ồng Tomoyuki Kimura gơnoar atbồ anih pria\ jền bơtàu tơngguh châu Á (ADB) tàm Việt Nam. Tàm bùi wa\, ồng Nguyễn Tấn Dũng mờ ồng Romoyuki Kimura neh  đơs geh ua\ ngan bơta gơ rềng tus bơtàu tơngguh cau lơh broa\, dôs dà lơgar, ODA, bơtàu tơngguh lơh sa ka\ bro di mơ mờ dềt…bơh Việt Nam. Ồng Nguyễn Tấn Dũng ai git,  tàm broa\ rơndap  wơl broa\ lơh sa, Việt Nam sùm lơh geh tơl bơta buơn boài tus ala\ mpồl lơh sa ka\ bro di mơ mờ dềt bơtàu tơngguh, mơ kung geh  đơs tờm, kờ` lơh geh broa\ lơh bơtàu tơngguh sơbac mhar mờ kơljap, Việt Nam kờ` pal sền ngan broa\ bơto bơtê mờ bơsram, ngan la bơto geh cau lơh broa\ jak chài la dùl tàm ala\ bơta nisơna ngan kuơ màng  lơh di bơta kờ` bơtàu tơngguh tàm tơngai pa. Bè khà pria\ càn ODA, ồng Nguyễn Tấn Dũng đơs tờm, khà pria\ ODA geh Việt Nam atbồ mờ ngui  geh cồng  tus ala\  broa\ lơh bơtàu tơngguh, ngan la bơcri tus bơtau tơngguh lơh sa phan bơna-mpồl bơtìan, tơmù rbah mờ bơto bơtê bơtàu tơngguh cau lơh broa\.

Cau mblàng K’Brọp