VOV4.K’ho - Ngai 24/01, tàm [òn dờng Biên Hoà, càr Đồng Nai, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar neh tus mờ geh jơnau đơs tàm dơ\ yal kơrnoăt mờ jàu khà dờp kơnhoàl Xuân Lộc mờ [òn drà Long Khánh, càr Đồng Nai geh khà [òn lơgar pa. Do là 2 tiah kơnă kơnhoàl sơnrờp ngan tàm gùt lơgar geh khà [òn lơgar pa. ala mat Gơnoar atbồ lơgar, ồng Nguyễn Tấn Dũng neh đơs niam ngan, pơn jờng mpồl đơng lam Đảng, gơnoar atbồ mờ làng bol càr Đồng Nai neh lơh ngan đơng lam, lơh jăt geh ală cồng nha niam mờ ală khà mùl màl lam lài gùt lơgar tàm broă bơ\t bơtàu [òn lơgar pa. Ồng Nguyễn Tấn Dũng đơs loh: bơ\t bơtàu [òn lơgar pa lài jơh là geh broă lơh sa tơnguh bơtàu geh cồng nha, kơl jăp; pal geh broă bơ\t bơtàu lơh sa-mpồl bơtiàn sơlơ ngai sơlơ ndrờm bal, lơh pa rơlao, rài kis, phan bơna, nùs nhơm làng bol sơlơ ngai sơlơ geh tơnguh rơlao; tiah kis tơlir-kloh-niam sơlơ ngai sơlơ niam rơlao; mpồl tam klăc gùt làng bol sơlơ ngai sơlơ pràn kơl dang tàm tơngu me lơh tòm, lơh jăt gơnoar adăt boh lam; pal geh gùng dră bal pràn kơl dang mờ tơl niam gàr bơta lơngăp lơngai dà lơgar tàm do. Ồng Nguyễn Tấn Dũng đơs tòm:“He neh ai gùng dà broă tơnguh bơtàu kơl jăp “Tam cah broă lơh sa-ờ tam cah [òn lơgar”. Broă lơh sa mờ măy mo\k, broă lơh sa pa tơnguh bơtàu tơn tàm [òn lơgar. Cau lơh broă bơh broă lơh sa suơn sre tam gơl tus lơh sa mờ măy mo\k, broă lơh pa kung tàm [òn tơn. Gùt lơgar geh khà rài kis tàm broă lơh sa mờ suơn sre gam mờr 19%, mơya geh tus 49% khà cau lơh broă. 49% khà cau lơh broă lơh gơl^k 19% khà rài kis tơl nă cau lơh sa suơn sre geh rài kis ờ uă, pal tam gơl broă lơh sa mờ măy mo\k, broă lơh pa mờ mìng lòt lơh broă tàm anih lơh sa kă bro, mờ geh cồng nha ngan, niam ngan là tàm [òn lơgar tơn. He pal lam sồr ală anih lơh sa kă bro tus lơh sa tàm [òn lơgar, geh bal broă lơh sa, lơh gơs phan geh bơh broă lơh sa suơn sre, geh bal lơh sa mờ măy mo\k mờ broă lơh pa tàm [òn lơgar tơn. Do là broă lơh pal geh lam sồr bal bè ù tiah, bè tă dia, kơrnoăt Gơnoar atbồ lơgar kung neh geh, mơya ờ tơl pràn, tơl niam, ờ tơl pràn lam sồr den kơ\p tàm broă bơceh pa, lam sồr bơh ală [òn lơgar dê”…