VOV4.K’ho – Drim òr, 02/8, tềng đap bơta đơng lam bơh ồng Nguyễn Xuân Phúc, Kuang gơs gơnap gơnoar atbồ hơđang rlau jơh dà lơgar, ală kuang bàng tàm Gơnoar atbồ lơgar neh ai jơnau đơs bè bơta lơh sa mpồl bơtiàn nhai 7 mờ 7 nhai nam 2016, bơta mut lơh jat kơrnuat sồ 1 bè kơnòl, broă lơh kuơ màng đơng lam mut lơh rơndap broă bơtàu tơnguh lơh sa – mpồl bơtiàn mờ kờp du\ kes priă dà lơgar nam 2016. Bè ală broă lơh lồi nam, Gah rơndap broă mờ bơcri priă dà lơgar đơs là, pal chồl pràn broă lơh sa suơn sre, chul chồl lơh sa mờ mai\ mok, tàm hơ\ geh lơh sa mờ mai\ mok dong kờl, chồl pràn tac phan hờ lơgar ndai; hòi jà nac nhơl chờ, atbồ broă drơng ala pơndiang phan mờ bơ song ală bơta ờ niam tàm broă ai priă ală rơndap broă BOT, tơmù priă tă lòt gùng ù gờl. Bal mờ hơ\ là pơnjat tai gàr kơ\ broă lơh sa dờng, sền gròi gờmu khà priă mờ broă đơng lam broă lơh bè priă jền nhap nhar, lơh ngan tă dia geh mờ khà ai tơlik; atbồ kơ\ tă ngui dơ\ dà lơgar, chồl pràn tac phan hờ lơgar ndai, sền gròi blơi phan bơh lơgar ndai mờ mut ngui niam drà kă bro tàm lơgar, ngan là drà kă bro ASEAN.

               Cau cih mờ yal tơnggit K’ Duẩn.