VOV4.K’ho – Dờp jơnau jà bơh ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam dê, ồng Thoong-lun Xi-xu-lít kuang gơs gơnăp gơnoar atbồ hơđang rlau jơh dà lơgar Lào geh lòt còp gi\t gơ\p lơh bơyô ngan ngồn lơgar he bơh ngai hìng 15/5 tus ngai 17/5/2016. Do là dơ\ lòt còp lơgar ndai bơh sơn rờp bơh ồng Thoong- lun Xi- xu- lít dê kờp bơh tơnơ\ Pơrjum dờng Đảng Làng bol kăc màng Lào lơh geh cồng nha tàm nhai 4 pa do, ai go\ gùng dà broă lơh sền dờng màng bơta gi\t gơ\p tam klac lơh bơyô bal dờng màng đah bàr lơgar bơh lơgar Lào dê gơ wèt tus mờ Việt Nam. Tơngai lài, bơta gi\t gơ\p tam klac lơh bơyô ờs mờng bơh yau, tam klac bal dờng màng mờ tam klac lơh broă bal tơl làm đah Việt Nam mờ Lào sùm bơtàu tơnguh niam bơne\. Bàr gah gam tơrgùm pơgồp bal mu\t lơh ală jơnau ring bal lơh geh tàm Dơ\ tìp mat đah kuang bàng dờng màng pah nam bơh bàr Gah Gùng dră bal dà lơgar dê mờ dơ\ pơrjum dơ\ 38 bơh Anih duh broă ală Gơnoar atbồ lơgar bè tam klac bal bàr gah đah Việt Nam mờ Lào. Dơ\ lòt còp dơ\ do bơh ồng Thoong- lun Xi- xu- lit dê là nàng kờn chul chồl bơta gi\t gơ\p tam klac lơh bơyô bal ờs mờng bơh yau, tam klac bal dờng màng, tam klac lơh broă bal tơl làm đah bàr lơgar tàm uă broă; sơlơ tơnguh tai bơta pin dờn, tam klac bal đềt mềr đah kuang bàng đơng lam bàr lơgar dê mờ chul chồl bơta gi\t gơ\p tam klac lơh broă bal đah bàr Gơnoar atbồ lơgar tàm tơngai lơh broă tus.

Cau cih mờ yal tơngi\t- Lơ Mu K’ Yến