VOV4.K’ho- Mho ngai 29/10, tàm Hìu duh broă Gơnoar atbồ lơgar dê, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar geh dơ\ lơh broă mờ Kuang bàng đơng lam bơh Mpồl ală mpồl lơh sa kă bro dềt mờ di mơ lơgar Việt Nam dê. Tu\ do, mpồl lơh sa kă bro dềt mờ di mơ lơgar Việt Nam dê geh rlau 98% kờp jơh ală mpồl lơh sa kă bro gam lơh broă tàm gùt lơgar, pah nam lơh geh rlau 1 tơlak broă lơh pa, tă pơgồp 40% GDP ai rài lơh sa in…Tàm dơ\ lơh broă, ồng Nguyễn Xuân Phúc đơs tờm, tàm lơgar he, mpồl lơh sa kă bro dềt mờ di mơ pơgồp bơnah kuơmàng lơh geh broă lơh, di pal mờ bồ tơngoh atbồ, gơguh tă dia dà lơgar…Ồng Nguyễn Xuân Phúc kơ\p kờn Mpồl ală mpồl lơh sa kă bro dềt mờ di mơ pơn jat tai lơh niam gơnoar broă, lơh kơ\ kơl jăp mpồl, geh ală broă lơh geh kuơ ngan ai mpồl lơh sa kă bro in; dan mờ Gơnoar atbồ lơgar, ală càr mờ [òn dờng geh ală gùng dà broă lơh, kơrnoat boh lam dong kờl chul chồl mpồl lơh sa kă bro dềt mờ di mơ bơtàu tơnguh lơh sa. Đảng mờ Dà lơgar sùm cih dờp mờ dong kờl, lơh geh tơl ală bơta niam bơtàu tơnguh mpồl lơh sa kă bro, tàm hơ\ geh ală mpồl lơh sa kă bro dềt mờ di mơ.

Cau cih mờ yal tơngi\t- Lơ Mu K’ Yến