VOV4.K’ho – Di dơ\ lòt còp mờ lơh broă tàm càr Lâm Đồng, ngai òr 5/6, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar neh lòt còp mờ boh bơr mờ mpồl Kuang atbồ hìu bơsram, cau pơgru mờ cau bơsram, kuang bàng cau ling Hìu bơsram dờng Lục quân Dà Làc.

Ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar còp Hìu bơsram dờng Lục quân Dà Làc mờ đơs jơnau.

Đơs niam ngan cồng nha tàm broă bơto bơtê mờ bơsram bơh pơgru mờ cau bơsram bơh hìu bơsram dê, ồng Nguyễn Xuân Phúc jờng rơ cồng nha mu\t lơh kơnòl broă gùng dră bal bơh Hìu bơsram dờng Lục quân tàm ală broă lơh. Đơs loh gơnoar broă, kơnòl broă bơh mpồl ling lơh broă tàm ù tiah Tây Nguyên, ồng Nguyễn Xuân Phúc sồr ală kuang ling, ling geh griăt, kuang bàng, cau pơgru, hạ sĩ quan, ling klàng, cau lơh phan cau lơh broă sền gàr dà lơgar bơh Hìu bơsram dờng dê pơn jat tai brồ guh bơhiàn tam klac bal đềt mềr; lơh niam broă lơh lam sồr làng bol mờ càr mờ làng bol ală kòn cau càr Lâm Đồng. Hìu bơsram dờng pal là anih kơldìng kơ\ kơl jăp, lòt bal lơh bal mờ càr lơh gơs niam kơnòl broă sền gàr lơngăp lơngai gùng dră bal- rơndăp tăp sèng ờdo ờdă jơh gùt mpồl bơtiàn, pơgồp bơnah bal mờ Mpồl Đảng, Gơnoar atbồ tiah do lơh gơs jak ngan kơnòl broă bơtàu tơnguh lơh sa- mpồl bơtiàn, gàr kơ\ lơngăp lơngai mờ sền gàr dà lơgar.

Ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar ku\p tê mờ kuang bàng bal mờ cau bơsram bơh Hìu bơsram dờng Lục quân Dà Làc.

Cau cih mờ yal tơngi\t- Lơ Mu K’ Yến