VOV4.K’ho- Àng drim gờn ngai 28/9, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar, ồng Vũ Đức Đam, Kuang jat jơng gơs gơnăp gơnoar atbồ hơđang rlau jơh dà lơgar bal mờ mpồl lơh broă neh lòt sền drà tờm Long Biên, lài mờ tu\ geh dơ\ lơh broă mờ Anih duh broă làng bol [òn dờng Hà Nội bè broă lơh ờdo ờdă phan sa.

Ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar lòt drà sền biăp, bùm, plai đo

Ồng Nguyễn Xuân Phúc mờ ồng Vũ Đức Đam lòt còp bàr pe anih ràng tăc phan, boh bơr mờ cau kă phan, tăc bro tàm drà. Ồng Nguyễn Xuân Phúc tơngkah ală hìu kă bro pal tăc bro biăp, plai chi, phan lơh gơs bơh sươn sre, phan sa geh anih lơh loh làng, ờdo ờdă ai cau ngui sa in.

Ồng Vũ Đức Đam, Kuang jat jơng gơs gơnăp gơnoar atbồ hơđang rlau jơh dà lơgar lùp còp cau kă phan tàm drà

Lơh broă mờ Anih duh broă làng bol [òn dờng Hà Nội, ồng Nguyễn Xuân Phúc đơs tờm, ờdo ờdă phan sa là bơta dờng màng ngan, gơrềng tus rài kis, pràn kơldang să jan bơh làng bol dê, geh mpồl bơtiàn sền gròi uă ngan. Mpồl lơh broă tơrgùm lòt sền broă lam lơh jat Kơrnoat sồr sồ 13 bè sơlơ tơnguh tai kơnòl atbồ dà lơgar tàm broă lơh ờdo ờdă phan sa tàm ù tiah Hà Nội, ai jơnau bơsram mờng chài mờ sền sơ wì geh bơta tam gơl wơl gùng dà broă lơh, kơrnoat boh lam, tàm jàu kơnòl…nàng mu\t lơh niam broă lơh do.

Cau cih mờ yal tơngi\t- Lơ Mu K’ Yến