VOV4.K’ho – Dờp geh jơnau yal tơngit cau pơrlòng cuh phàu Hoàng Xuân Vinh ai geh gai lòng biàng mờ là khà jờng jak ngan pơrlòng Olympic, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar geh sră pơyua nting sap gờm chờ mpồl tàp pràn să jan Việt Nam, kuơ màng là cau pơrlòng Hoàng Xuân Vinh mờ ală cau pơlam tàp pràn să jan, cau pơrlòng tàm mpồl cuh phàu. Tàm sră pơyua geh cih: “ A` chờ hờp ngan klo jơnau yal tàm ngai pơrlòng sơn rờp tàm Olympic dơ\ 31, cau pơrlòng cuh phàu Hoàng Xuân Vinh pơrlòng jak ngan, ai geh gai lòng biàng mờ là cồng nha jak ngan tàm pơrlòng Olympic, gơs là cau pơrlòng sơn rờp lơgar Việt Nam dê ai geh khà jờng dờng ngan rlau jơh bơh tàp pràn să jan dunia dê. Cồng nha mờ cau pơrlòng bơh mpồl tàp pràn să jan Việt Nam dê pa ai geh neh cèng wơl bơta pơn ìơ să dà lơgar in, bơta pơn ìơ să tus mờ kuang bàng, cau pơlam tàp pràn să jan, cau pơrlòng mờ ală cau kờ` tàp pràn să jan gùt lơgar.”

                  Cau cih mờ yal tơnggit K’ Duẩn.