VOV4.K’ho - Kuang gơs gơnap gơnoar atbồ hơđang rlau jơh dà lơgar pa lơh broa\ mờ Gah rơndap broa\ mờ bơcri pria\ dà lơgar, Gah pria\ jền dà lơgar,  cơldu\ lơh broa\ Gơnoar atbồ lơgar bè bơta ai càn pria\ bơcri dà lơgar nam 2016. Bè bơta ai càn pria\ bơcri dà lơgar nam 2016 geh khà lơyah pơndrờm mờ broa\ geh jàu, ồng Nguyễn Xuân Phúc đơs la, gơbàn geh bơta do la bơh gơbàn bơh hờ  bơdĩh mờ bơh tàm  dơlam,  mơya bơh tàm  dơlam la tờm ngan,  geh sồr tơl gah, sơnah lơh broa\ pal sền wơl, đơs tìs di kơnòl bơh ala\ cau kuang drơng broa\ gah broa\ do,  pal geh broa\ lơh lơh glài kràn ngan tus mờ ala\ cau lơh lơ yài tàm broa\ ai càn pria\, bè ta\ pria\, tam gơl cau tờm  bơcri lơh ờ lơh di bơta kờ`. Ồng Nguyễn Xuân Phúc đơs tờm bơta lơh ngan bơsong jơh pria\ geh bơcri dà lơgar nam 2016 di tơngai, ngan  la pria\ dà lơgar,  pria\ tac sra\ tềm pềr Gơnoar atbồ lơgar mờ pria\ ODA, kờ` geh pơ gồp bal lơh gơs broa\ jàu,  broa\ lơh bơtàu tơngguh lơh sa-mpồl bơtìan  neh ai tơlik tàm nam 2016. Ồng Nguyễn Xuân Phúc  sồr pal mhar lơh gơs rơndap broa\ lơh kơrnuat bơh Gơnoar atbồ lơgar bè lơh mhar broa\ ai càn pria\ bơcri dà lơgar nam 2016 mờ ala\ broa\ lơh nền nòn,  tam jàu broa\ lơh tus tơl gah lơh broa\,  gờ` jàu kuang gơs gơnap gơnoar atbồ hơđang rlau jơh dà lơgar ky\ ngui tàm poh tus nàng geh mut lơh mhar mo.

          Cau cih mờ yal tơnggit K’ Brọp