VOV4.K’ho – Drim òr 19/02, Mpồl đơng lam Đảng kuang àng dà lơgar mờ Gah kuang àng dà lơgar bơyai lơh tơngkah 70 nam ngai bơhìan mpồl lơh broă jòi jơnau tơngit ndơp ndơl kuang àng làng bol mờ dờp gai lòng Hồ Chí Minh. Ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh tus bal mờ geh jơnau đơs tàm dơ\ bơyai lơh.

Ala mat kuang đơng lam bồ Đảng, dà lơgar, ồng Nguyễn Tấn Dũng jàu gai lòng Hồ Chí Minh dơ\ 3 ai mpồl lơh broă jòi jơnau tơngit ndơp ndơl kuang àng làng bol in. Ồng Nguyễn Tấn Dũng đơs tờm: Bơh ală tơngai, ngan là tàm 30 nam tam gơl pa, mpồl lơh broă jòi jơnau tơngit ndơp ndơl kuang àng làng bol neh rơcang lài git loh ală bơta gơlik geh, ai tơlik, cribơyai mờ kuang đơng lam bồ Đảng, dà lơgar uă broă cèng bơta kuơ màng tàm ală gah broă lơh tàm dà lơgar, mờ lơgar ndai; rơcang lài chồl pràn mut gơ rờm bal dunia mờ rề ơnàng git gơp lơh broă bal mờ lơgar ndai, tơnguh bơngă, gơnoar bơh Việt Nam dê tàm dunia; pơgồp bal geh cồng nha mờ ală mpồl lơh broă ndai mờ geh làng bol dong kờl neh di tu\ sền go\, rơcang sơndră, kơryan uă kai, rơndap broă lơh aniai bơh ală gah, mpồl sò tơm dê, pơgồp bơnah gàr kơ\ ngap lơngai is, gơnoar tờm, tơr gùm dùl tơl làm ù tiah, bơta kuơ mờ sền gàr ngap lơngai dà lơgar, drơng bơtàu tơnguh lơh sa mpồl bơtiàn dà lơgar dê.

                                                            Cau cih mờ yal tơngit K’ Duẩn.