VOV4.K’ho – Drim òr 11/9, tàm anih tờm drà ràng tơlik dunia Nam Ninh, Quảng Tây, ồng Nguyễn Xuân Phúc, Kuang gơs gơnap gơnoar atbồ hơđang rlau jơh dà lơgar he bal mờ ồng Trương Cao Lệ, Kuang jat jơng gơs gơnap gơnoar atbồ hơđang rlau jơh dà lơgar Lo mờ kuang đơng lam bồ ală lơgar ASEAN neh tus bal mut lơh drà lơgar Lo - mpồl ASEAN ( CAEXPO) mờ pơrjum dờng màng kă bro mờ bơcri priă lơgar Lo - mpồl ASEAN ( CABIS) dơ\ 13. Ồng Nguyễn Xuân Phúc mờ mpồl kuang bàng dờng màng lơgar Việt Nam bal mờ ală mpồl lơh sa kă bro tàm lơgar tus bal drà lơgar Lo - mpồl ASEAN dơ\ 13 mờ gơnoar là lơgar geh jơng. Đơs tàm dơ\ mut lơh, ồng Nguyễn Xuân Phúc đơs loh ală bơta pràn tam klac bal đah mpồl ASEAN mờ lơgar Lo; đơs tờm git gơp lơh broă bal, tam klac mpồl ASEAN mờ Lo tơnơ\ 25 nam neh lơh geh uă cồng nha kuơ màng. Ală dơ\ lơh drà lơgar Lo - mpồl ASEAN mờ pơrjum dờng màng kă bro mờ bơcri priă lơgar Lo - mpồl ASEAN neh tă pơgồp kuơ màng ngan tàm broă chul chồl git gơp lơh broă bal kuơ màng đah mpồl ASEAN mờ lơgar Lo ngai sơlơ bơtàu tơnguh, geh cồng nha. Nam do, dơ\ sơn rờp dờp kơnòl là lơgar geh jơng bơh drà dê, Việt Nam tus bal geh rlau 250 anih ràng tơlik, gơguh 35% pơn drờm mờ nam 2015 mờ pơnjat tai là lơgar geh uă anih ràng ngan rlau jơh tàm khà ală lơgar ASEAN.

                Cau cih mờ yal tơnggit K’ Duẩn.