VOV4.K’ho – Mho òr (26/7,) ồng Nguyễn Xuân Phúc, Kuang gơs gơnăp gơnoar atbồ hơđang rơlau jơh dà lơgar neh yal bơr guh at gơnoar broă mờ đơs tềng đap Gơnoar ala mat dà lơgar, làng bol mờ cau te\ khà gùt lơgar tơnơ\ tu\ geh Gơnoar ala mat dà lơgar pin dờn pồ at gơnoar broă Kuang gơs gơnăp gơnoar atbồ hơđang rlau jơh dà lơgar, tơngai lơh broă bơh nam 2016- 2021 tơn. Yal wơl jơnau đơs bơh Nguyễn Trãi dê “lơgar Đại Việt cau jak geh uă ngan”, ồng Nguyễn Xuân Phúc đơs là, bơta pràn dờng ngan rơlau jơh bơh Việt Nam dê là mpồl cau lơh broă. Ngai do, cau jak, cau lơbơn niam bơh lơgar Việt Nam dê geh bal tàm lơgar mờ lơgar ndai ờ di là ờ geh ờ, pal lơh geh tơl ală bơta niam dong kờl nàng cau jak lơh bal tàm broă lơh bơ\t bơtàu mờ sền gàr dà lơgar. “Kờn pal bơcri priă uă rlau tai ai bơto bơtê in, lời kes priă dipal nàng lơh niam wơl cơldu\ bơsram, hìu sền sră, hìu jă brê; sền gròi dong kờl niam rlau bè broă sàu sa, ơm kis, lòt rê ai ală sau tàm tiah sar lơgar ngài in”. “Pal lơh geh bơta ring bal tàm broă bơsram, lơh broă, at gơnoar broă nàng geh ngai sơlơ uă cau jak. Bol he pal lơh bè lơi nàng oh kòn, kòn sau bơh cau lơh broă sa, cau lơh phan, cau rơ[ah dê ndrờm geh bơsram sră, geh broă lơh, geh bal bơta dong kờl nàng gơs là kuang bàng đơng lam bơh dà lơgar dê tàm rài tơnơ\ do”, ồng Nguyễn Xuân Phúc đơs tờm bè hơ\.

                  Cau cih mờ yal tơng^t- Lơ Mu K’ Yến