VOV4.K’ho -  Mho òr 24/2, tàm hìu duh broă Gơnuar atbồ lơgar dê, ồng Nguyễn Tấn Dũng kuang gơs gơnăp gơnuar atbồ hờđang rlao jơh dà lơgar đơng lam dơ\ pơrjum Mpồl lơh broă sùm Gơnuar atbồ lơgar đơs, mờ sền tìs di broă lơh rơcăng drơng sa Tềp bơhiàn Ất Mùi mờ ring bal đơng lam sồr ngan mu\t lơh ală kơ nòl broă tơ nơ\ tơngai ơm rlô sa tềp bơhiàn. Ồng Nguyễn Tấn Dũng sồr jơh ală Gah, sơnah lơh broă dà lơgar, mờ ală càr, [òn dờng pal mu\t lơh broă tơn, jal mhar, kràn cê jơh nùs mu\t lơh kơ nòl bơh he dê, ờ lời gơkue\ gơkùel tơ nơ\ dơ\ sa tềp tus tai dơ\ lơh chờ, còp ies; mìng kờp dilah geh jàu kơ nòl, ală Kuang jăt jơng gơs gơnăp gơnuar atbồ hờđang rlao jơh dà lơgar, ală Kuang atbồ Gah broă lơh dà lơgar mờ kuang đơng lam ală gah lơh broă dà lơgar ờ go\ di tus bal dơ\ lơh chờ, ngan là ngui ngai lơh broă, tu\ jiơ lơh broă mờ rơndeh dà lơgar dê nàng lòt tus dơ\ lơh chờ. Ồng Nguyễn Tấn Dũng kung sồr ală gah sơnah lơh broă dà lơgar mờ ală càr, [òn dờng tơr gùm lơh geh jơh ală bơta niam lơh pràn lơh sa kă bro, bơcri priă bơ\t bơtàu ală broă; sền gàr niam bơta ngăp lơngai gùng dră bal, rơndăp tăp sèng ờdo ờdă gùt mpồl bơtiàn, tam lơh tam dră wơl mờ ală cau lơh tìs, sơlơ rcăng sơndră tai ồs sa bơrtoh, ờdo ờdă kloh niam phan sa mờ kơria` kòl gùng mờ rềs àr gùng lòt…ngan là tàm dơ\ lơh chờ.