VOV4.K’ho – Ngai òr 19/02, ồng Cao Huy kuang jat jơng atbồ Anih duh broă làng bol càr Daknông lơh broă mờ mpồl duh broă kòn cau càr nàng iat jơnau yal bè broă mut lơh kơnòl nam 2015, rơndap broă, kơnòl broă nam 2016. Đơs tơn jơh dơ\ lơh broă, ồng Cao Huy đơs tờm, Đảng, dà lơgar mờ càr sền gròi ngan tus broă lơh gah kòn cau, sùm geh ală broă lơh mùl màl nàng dong kờl làng bol kòn cau tàm bơtàu tơnguh lơh sa, tơn jơh jơgloh tơmù rơbah, bơt bơtàu rài kis pa. Den tàng, tàm tu\ mut lơh, ală kơnă, ală gah, mpồl lơh broă geh gơ rềng pal geh bơta pơgồp bal krà` cê, ringbal nàng ală kơrnuat, broă dong kờl ai làng bol kòn cau in ngai sơlơ brồ guh cồng nha, bơta ngan ngồn, di mờ broă rơndap lơh, di mờ sră nggal. Gơ wèt mờ ală jơnau dan bơh mpồl duh broă kòn cau càr dê, ală gah, mpồl lơh broă geh gơ rềng kơlôi sơnơng, cribơyai nàng Anih duh broă làng bol càr Daknông sền sơ wì đơng lam mut lơh tàm tơngai tus.

                                                          Cau cih mờ yal tơngit K’ Duẩn.