VOV4.K’ho – Ồng Nguyễn Văn Yên kuang jat jơng atbồ Anih duh broă làng bol càr Lâm Đồng pa geh dơ\ wa\ rò Mpồl dong broă Ală mpồl kuang bàng đơng lam cau lơh sa kă bro kơnòm să dunia tiah châu Á geh dơ\ lòt còp mờ lơh broă tàm càr Lâm Đồng. Tàm dơ\ wa\, ồng Nguyễn Văn Yên neh yal dùl e\t bơta pràn, bơta jak bè bơtàu tơnguh tàm ală gah broă lơh sa sươn sre, nhơl chờ, broă drơng lơh ala bơh càr dê. Tàm hơ\, đơs tờm ală khà kờp pơnrơ ngan mờ Lâm Đồng neh lơh geh tàm lơh broă sa sươn sre mờ nhơl chờ ơm rlô pràn să bal mờ năc lòt nhơl kờp bal geh 4 tơlak 200 rbô nă cau pah nam. Mờ ồng Nguyễn Văn Yên kung yal mờ Mpồl dong broă Ală mpồl kuang bàng đơng lam cau lơh sa kă bro kơnòm să dunia tiah châu Á in ală rơndăp broă lơh mờ càr Lâm Đồng gam hòi jà bơcri priă lơh tàm ală gah broă lơh sa sươn sre, hìu măy pờ tơlik ồs đèng mờ ală rơndăp broă lơh bơcri priă lơh tiah nhơl chờ lơh rài bồ tơngoh. Ala mat gơnoar atbồ càr Lâm Đồng, ồng Nguyễn Văn Yên đơs tờm geh lơh geh tơl ală bơta niam ngan rlau jơh ai ală cau bơcri priă in tus jòi sền tam klac lơh broă bal tàm càr.

Cau cih mờ yal tơngit- Lơ Mu K’ Yến