VOV4.K’ho-Lơh pơrlồm là lơh broă kă bro jơnau nhơl lơh rài bồ tơngoh, tơngai lài, broă lơh nhơl [ài sa priă blăc pơrlồm bơh broă lơh nhơl pa` ka neh mờ gam geh tàm uă tiah, jòi sa priă jền tìs mờ adat boh lam, lơh uă hìu bơnhă gơ ơm tàm rài kis kal ke ngan…Tơngai lài, Kuang àng càr Lâm Đồng neh kơryan geh cồng nha mờ ngai sơlơ sang te\ broă lơh nhơl [ài sa priă blăc pơrlồm do lik bơh càr.

Tơngai lài, tàm ù tiah càr Lâm Đồng dê geh uă anih kă bro jơnau nhơl điện tử-game pa` ka. Bulah geh ai sră lơh broă jat broă lơh jơnau nhơl lơh rài bồ tơngoh, mơya mùl màl do là dùl broă lơh nhơl [ài sa priă blăc pơrlồm.

Bơh sơn rờp jơnau nhơl do mìng gơ ơm wơl tàm broă lơh rài bồ tơngoh lơm, cau pa` geh uă ka den geh kờp gơs điềm nàng nhơl tai. Tơnơ\ tu\ neh gơhòi uă cau tus nhơl, ală anih kă bro do neh tam gơl gơ gơs là anih nhơl [ài sa priă.

Jat cồng nha lòt sền bơh anih lơh broă geh gơnoar dê, jơh ală măy pa` ka do ndrờm là phan blơi tìs mờ adat boh lam bơh lơgar ndai, ờ geh sră cih blơi phan mờ anih lơh. Jơnau pal đơs ngan là, ală măy pa` ka do ndrờm geh crăp phần mềm ndrờm bè pờ ờ kal, [ươn ngan tam gơl khà jơnau nhơl bơh di mơ tus kal ke, den tàng bè hơ\, cau nhơl ndrờm bè ờ go\ tu\ lơi jai. Ală cau tờm kă bro bơh sơn rờp sùm ai cau nhơl in nhơl jai uă nàng pơn jồ năc, tơnơ\ hơ\ sơlơ tơnguh tai bơta kal ke mờ ơm wơl tàm khà cau nhơl ờ jai 7 mờ sa 3, sa kơ`au priă jền bơh cau nhơl dê. Lồi du\t là neh lơh uă hìu bơnhă tàm càr Lâm Đồng gơ ơm tàm rài kis gơ prah gơ prèng, roh jơh phan bơna.

Jat ồng Nguyễn Thế Hùng, Pho\ Chánh Thanh tra Sở Văn hoá, thể thao mờ du lịch càr Lâm Đồng dê yal, jơh gùt càr geh rlau 170 anih kă bro jơnau nhơl điện tử pa` ka neh geh anih lơh broă do ai sră lơh broă, mờ kờp jơh là rlau 260 nơm măy pa` ka. Ồng Nguyễn Thế Hùng, pà gi\t:

“Tơngai lài, tàm ù tiah càr Lâm Đồng geh uă ngan jơnau ngui măy pa` ka nàng nhơl [ài sa priă blăc pơrlồm. Sở Văn hoá, thể thao mờ nhơl chờ neh bal mờ kuang àng càr Lâm Đồng neh yal mờ Ủy ban Nhân dân càr nàng sồr crơng gơs dơ\ lùp khàu kờn ku\p kơryan jơnau nhơl blơ\ blăc do. Mùl màl jơnau nhơl do gơ tam gơl mờ gơ pơrlồm cau nhơl ngòt rơ ngơ\t ngan. Uă ngan hìu bơnhă gơtìp gơ ơm tàm rài kis gơ prah gơ prèng, roh jơh phan bơna, lơngăp lơngai tàm [òn lơgar gơtìp aniai sơl, gơlik geh jơnau tam lơh tam srơ\p gơ\p, càn dồs sa priă cồng uă tàm [òn lơgar. Mờ jơnau nhơl điện tử do sền bal là lơh blăc pơrlồm lơm, khi neh crăp ală khà nhơl gơtìp ờ jai nàng pơrlồm ală cau nhơl ”.

Mờ bơta jơh nùs lơh ngan ku\p kơryan jơh ală anih lơh broă nhơl [ài sa priă blăc pơrlồm do, Ủy ban Nhân dân càr Lâm Đồng neh crơng gơs Mpồl lòt sền ală gah 221, mờ bơta lơh bal bơh uă mpồl cau dê bơh mpồl lơh broă geh gơnoar dê, tàm hơ\ geh mpồl kuang àng càr Lâm Đồng là mpồl cau tờm. Bơh tu\ pa crơng gơs tơn, mpồl lòt sền làm gah neh lam cau lòt lơh broă kràn cê jơh nùs tàm ù tiah gùt càr dê. Cồng nha, uă anih kă bro jơnau nhơl pa` ka neh gơtìp yal yă bè tìs lam nhơl [ài sa priă.

Mò Đỗ Thị Bảy, cau tờm dùl anih lam nhơl jơnau pa` ka tàm thị trấn Liên Nghĩa, kơnhoàl Đức Trọng, càr Lâm Đồng gơtìp yă bè tìs do, đơs bè do:

“A` neh gi\t tìs a` dê, bơta tìs a` dê là tài bơh ờ huan gi\t wă uă, ờ geh bơsram uă den tàng lài hơ\ neh ờ gi\t geh broă lơh tìs, neh gơlam tus lơh tìs adat boh lam”.

Bơh bơta ai cau lòt lơh broă lơh ngan jơh nùs bơh mpồl lòt sền làm gah dê, Kuang àng càr Lâm Đồng neh ku\p ai 136 nơm măy pa` ka, mơkung dan mờ Ủy ban Nhân dân càr crơng gơs mpồl duh broă tơ\p pơrgu\c jơh ală măy pa` ka do. Thượng tá Lê Thái, Pho\ Phòng Kảnh sát lơh sa, Kuang àng càr Lâm Đồng, đơs bè do:

“Tơnơ\ tu\ ku\p ai jơh den Ủy ban Nhân dân càr Lâm Đồng neh geh kơrnoat crơng gơs hội đồng tơ\p pơrgu\c nàng tơ\p pơrgu\c jơh ală măy pa` ka do. Bơh broă do, den jat a` do là dùl broă lơh geh cồng nha ngan mờ geh làng bol dùl nùs bal mờ dong kờl uă ngan. Mơkung neh kơryan geh kung bè tơrmù geh jơnau sơmờm game pa` ka do nàng lơh broă nhơl [ài sa priă blăc pơrlồm”.

Loh làng, tềng đap bơta geh ngan jơnau nhơl điện tử game pa` ka nhơl [ài sa priă blăc pơrlồm, bơta lơh bal kràn cê jơh nùs bơh mpồl lơh broă geh gơnoar càr Lâm Đồng dê tàm tam dră mờ rơcang sơndră cau lơh tìs là broă lơh kờn ngan mờ jơh nùs ngan. Mơya, bơta geh ngan tu\ do, măy nhơl pa` ka geh lòt kă bro khat gơboh uă ngan tàm drà, mờ khà priă pơgăp bơh 15 tus 70 tơlak priă dùl nơm măy. Broă ai sră lơh broă mờ broă atbồ dà lơgar gơ wèt mờ jơnau nhơl do kờn geh lơh kràn cê mờ sền gròi kràn rlau tai. Mìng is gơ wèt mờ cau nhơl, kờn pal gi\t loh ală bơta gơ aniai tơ nơ\ do, pleh ngài ală jơnau nhơl ờ niam do nàng sền gàr is să tờm!

Cau cih mờ yal tơngi\t- Lơ Mu K’ Yến