VOV4.K’ho- Poh lài, tàm [òn dờng Dà Làc, Mpồl kuang bàng bơh Bộ Tài nguyên mờ Môi trường dê bơh ồng Trần Hồng Hà Bộ trưởng Bộ Tài nguyên mờ Môi trường lam bồ neh lơh broă mờ càr Lâm Đồng bè broă lơh ătbồ dà lơgar, ală bơta gơkòl tàm tu\ lơh jăt gùng dà broă lơh kơrnoat boh lam bè phan kuơ geh is mờ tiah ơm kis tàm càr. Bơta geh ngan pà go\, uă jơnau cih ờ loh làng, ờ kơ\ kơl jăp, lơh càr tìp kal ke ngan tàm broă ătbồ phan kuơ geh is.

Jăt Ủy ban Nhân dân càr Lâm Đồng yal, broă lơh jăt gùng dà broă lơh, kơrnoat boh lam bè phan geh is mờ tiah ơm kis tàm càr tu\ do tìp uă bơta kòl yan. Tàm hơ\, broă lơh sră broă rơndăp lơh ngui ù pah nam gam lơh gơlik tai uă sră pơ àr lơh lơngeh lơnga` ngan ai mpồl lơh sa kă bro mờ ală cau bơcri priă in đơs bal. Ală Adat ù tiah, Adat Phan kuơ geh is tàm ù mờ ală sră nggal pơlam lơh jăt kung ờ hềt go\ cih loh làng bè cò pơnring ù, lơh niam wơl bơnàng ù, lơh gơlik bơta kal ke ai broă ngui lơh jăt bơh càr dê, ngan là tàm broă ai wơl ù, bơsong bă ù gơ jơngkah.

Broă tam gơl bơh apah ù tơm priă pah nam tus apah ù tơm priă dùl dơ\ kung kal ke lơh jăt tài bơh ală kơrnoat ờ hềt dipal mờ ring bal, ờ gi\t geh tềng lơi là ờ sa priă apah ù geh tơngai pơrgon pal cok khà priă gơnoar ngui ù. Adat Ù tiah nam 2013 mờ Adat Broă brê bơnơm nam 2017 ờ geh bơta ring bal, lơh gơlik bơta kơryan dờng tàm broă lam lơh jăt ai mpồl lơh sa apah ù in mờ brê rcăng gàr bồ tô dà bơh càr Lâm Đồng dê.

Dơ\ lơh broă đah Mpồl kuang bàng bơh Bộ Nông nghiệp mờ Phát triển Nông thôn dê mờ Ủy ban Nhân dân càr Lâm Đồng

Jăt ồng Đoàn Văn Việt, Chủ tịch Ủy ban Nhân dân càr Lâm Đồng đơs, bal mờ hơ\ den ală broă bè ătbồ ù tiah, tiah ơm kis, bơsong [ơ\ [ơl, sền gàr ù tiah [òn lơgar, bồ tô dà kung tìp uă kòl yăn, lơh gơlik bơta kơryan tàm broă lơh ătbồ dà lơgar mờ lơh jăt ală broă lơh kơrnoat boh lam tàm tiah do dê. Ồng Đoàn Văn Việt, Chủ tịch Ủy ban Nhân dân càr Lâm Đồng, đơs: Hơ\ là ală bơta ờ suk bơh bơta ờ suk dê. Mờ tàm ală tu\ lam lơh jăt ngan ngồn den bol a` geh uă bơta gơkòl. Càr kung geh sơl uă broă rcăng lài mơya broă rơcăng lài hơ\ den gơtìp bơta “gơ kơryan wơl”. Pơnyơu bè, broă lơh glài bơh bol a` dê tàm broă cò pơnring ù mơya, tơnơ\ hơ\ den Bộ Tư pháp mờ ală mpồl kơryan wơl, mờ đơs hơ\ là ală sră pơ àr dềt, lơh gơrềng tus bơta bơtàu tơnguh bơh càr dê. Tàm tu\, bol a` go\ broă hơ\ là geh kuơ ngan gơ wèt mờ broă ătbồ jơnau cò pơnring ù gơrềng tus hiòng dà hòr, gơrềng tus ù tiah [òn lơgar.

Ala măt Mpồl kuang bàng lơh broă bơh Bộ Nông nghiệp mờ Phát triển Nông thôn, ồng Trần Hồng Hà Bộ trưởng Bộ Nông nghiệp mờ Phát triển Nông thôn cih dờp ală bơta ờ hềt niam, bơta gơkòl mờ càr Lâm Đồng neh mờ gam gơtìp, jăt tàm bơta hơ\ geh cribơyai ală broă lơh nàng dong tă bơsong tàm tơngai tus. Mìng is gơ wèt mờ broă cò pơnring ù nàng drơng broă lơh sa sươn sre, lơh niam wơl bơnàng ù, Bộ trưởng ồng Trần Hồng Hà sồr càr Lâm Đồng pal kơlôi sơnơng nền mờ kơrhia ngan. Ồng Trần Hồng Hà, sồr: Ală broă gơkòl tu\ do mờ ală oh mi neh yal, bè broă cò pơnring bơnàng ù den a` sồr tàm ală tu\ bơtàu tơnguh lơh broă sa sươn sre bơh càr dê mờ rơndăp ù tiah ờ hềt loh làng den pal kơria ngan. Dà Làc gơrềng tus gah ù sền gàr dà dờng, dà croh, hơ\ sồng broă gơdùh ù, tơrlah ù, dà cò…mờ kuơmàng rlau tai hơ\ là ù tiah [òn lơgar. Dilah tu\ do ai gơnoar cò pơnring ù gơmù ndrờm bal mờ tiah ring nàng lơh ù, ù hơ\ cèng lòt tăc den broă lơh do là ờ gơtùi ờ. Mìng geh cò pơnring ù drơng tàm rơndăp broă lơh hơ\, tàm broă lơh hìu hơ\ den là gơtùi ai dilah ai ù tiah hơ\ cèng lòt tăc den a` go\ a` kơlôi ing là ba` ờ hềt ai mờ ờ go\ di ai. Jơh ală broă hơ\ pal geh rơndăp ù tiah mờ pal geh ai sră lơh den hơ\ sồng gơtùi.

Cau cih Hà Quang Sáng- Cau mblàng Lơ Mu K’Yến