VOV4.K’ho – Tơnơ\ tơngai jo\ jòng gơ rềng bơh kòp Covid-19 dê, drà kă bro tac biap, bơkàu tàm Lâm Đồng neh geh ală tềl tơnggo\ niam. Ală cau tam chờ hờp ngan tu\ biap, bơkàu lơh gơlik ndrờm geh tac jơh mờ tac yòm tai.

Pa tam 5 sàu biap cần, 5 sàu ngò thồm, bi Nguyễn Văn Trường, ơm tàm thị trấn Liên Nghĩa, kơnhòal Đức Trọng pơn jat tai jòi ơpah ù nàng tam xà lách tai. Bi pà git, tu\ do, khà pria\ ală bơta biap gam gơguh jơnhua den tàng cau lơi kung kờ` tam nàng bơtàu tơnguh wơl broă lơh sa:

“Tu\ do, hìu bơnhă a` dê ù ờ tơl den tàng pal jòi ơpah tai ù nàng tam biap, mơkung lơh bal tai mờ 2, 3 hìu bơnhă ndai tàm càr, rề ơnàng tai bă ù nàng tam ua\ tai bơta phan”.

Khà pria\ biap tàm Dà Làc gam gơguh jơnhua, biap ờ hềt tus tơngai tơnhàu neh geh ală cau kă bro dan blơi lài. Bi Lê Văn Đức, cau tờm anih blơi biap tàm [òn dờng Dà Làc pà git, pah ngai, anih bi dê dờp ua\ ngan sră dan blơi phan pơyua tus. Tu\ do, kờp bal pah ngai, anih bi dê tac tàm drà kă bro rlau 10 tấn biap ală bơta:

“Khà pria\ tu\ do den niam ngan, jơnhua rlau mờ lài mờ tu\ tơngai gơbàn kòp Covid-19. Tu\ do, neh jơh tơngai gơ rềng bơh kòp, khà biap tac ua\ rlau mờ khà pria\ gơguh pơgap bơh 30 tus 40% pơn drờm mờ bồ nam”.

Ờ mìng ală bơta biap tac yòm mờ ală bơta bơkàu tàm Dà Làc kung gam gơguh khà pria\ pràn ngan. Mơya cau tam bơkàu ờ huan chờ hờp tài gơ rềng bơh kòp, khà bơkàu tơnhàu tu\ do ờ huan ua\. Bi Nguyễn Thị Thùy, ơm tàm [òn bơkàu Vạn Thành, [òn dờng Dà Làc pà git:

“Dơ\ do bơkàu geh khà pria\ tac jơnhua rlau pơn drờm lài mờ tu\ gơ rềng bơh kòp mơya khà bơkàu lơh geh dùl êt ngan. Khà lơh geh mìng gam 1/10. Khà bơkàu gơmù tài tàm tơngai gơ rềng bơh kòp cau dus sang jơh. Mơkung tài bơh trồ tiah ờ niam den tàng bơkàu gơtìp ờ diơng ua\”.

Jat Sở Công thương càr Lâm Đồng yal, bơh lồi nhai 4 tus du\ do, broă tac bơkàu hờ lơgar ndai neh hời rơ hời bơtàu tơnguh. 5 nhai bồ nam, gah lơh bơkàu neh tac hờ lơgar ndai geh mờr 21 tơlak dolar Mỹ. Bulah drà kă bro tac hờ lơgar ndai biap, bơkàu neh geh ală tềl tơnggo\ niam, mơya pal roh bơh 6 tus 12 nhai nàng gơtùi bơtàu tơnguh wơl broă lơh sa.

Cau mblàng K’Duẩn