VOV4.K’ho- Ngai 15/12, càr Lâm Đồng git gŏ 284 nă cau bơtờp kòp Kovid-19 pa, là khà cau bơtờp kòp tàm 24 jơ uă ngan rlau jơh bơh lài tus tŭ do. Tàm khà 284 nă cau bơtờp kòp pa bơh gùt càr dê, 4 kơnhoàl mờ ƀòn dờng geh khà cau bơtờp kòp Kovid-19 uă là Dà Làc, Di Linh, ĐứcTrọng mờ Dà Oai neh geh 217 nă. Kòp Kovid-19 tàm càr Lâm Đồng gơlik geh ngai sơlơ kal ke bơh bồ nhai 12 mờ mờr 2 rbô 500 nă cau bơtờp kòp tàm nggùl nhai, gơguh mhar ngan rlau jơh tàm tiah Tây Nguyên.

Tus ngai 15/12, gùt càr geh 5 rbô 983 nă cau bơtờp kòp Kovid-19, tàm hơ̆ 2 rbô 864 nă cau kung gam tàm tơngai sơm kòp. Sơndră mờ khà cau bơtờp kòp Kovid-19 gơguh uă, Sở Y tế Lâm Đồng neh ai mã sồ ai 3 anih sơm kòp Kovid-19 pa, mờ 570 nơm jơ nờng kòp, lời ai ală F0 nggờc mờ ờ geh tềl tơnggŏ kòp in. Tàm khà hơ̆, geh 2 anih tàm ƀòn dờng Dà Làc mờ 1 anih tàm kơnhoàl Di Linh.

Cau mblàng K’Duẩn