VOV4.K’ho - Tơngai do, geh ờ uă cau geh đảng kòn cau K’ Ho kis tàm xã tiah ngài Sơn Điền, kơnhoàl Di Linh, càr Lâm Đồng neh lam lài lơh jăt broă tam bơsềt bào ngư jù.

Lài ngan kung gơtìp uă ngan kal ke, geh tu\ ờ geh cồng nha, mơya ală cau geh đảng neh jòi sền mờ bơsram is broă mờng chài mờ neh lơh geh cồng nha. Mờ nùs nhơm “cau geh đảng lam lài, làng bol đòm jăt bal tơnơ\”, broă tam bơsềt tàm xã tiah ngài Sơn Điền gam kơ\p gơn geh lơh uă.

Cau lam lài lơh jăt broă tam bơsềt bào ngư jù tàm xã tiah ngài Sơn Điền, kơnhoàl Di Linh, càr Lâm Đồng là ồng K’ Vít, Bí thư Đảng uỷ xã Sơn Điền. Mùl màl, nam 2020, hìu nhă ồng K’ Vít bơcri 70 tơlăk đong nàng lơh hìu tam bơsềt mờ bă ù ơnàng 60 thơ\k vuông, crăp phan tuh dà [ồm bè mhoal.

                                                  Broă tam bơsềt bơh ală cau geh Đảng tàm xã Sơn Điền

Tơnơ\ mờ hơ\, ồng blơi 5 rơbô kơl dung phôi bơsềt mờ meo bơsềt nàng tam. Ồng K’ Vít là g^t: Tam bơsềt bào ngư bu\ lah ờ uă priă tă lơh pơn drờm mờ ờ uă broă lơh ndai, tơngai lơh broă ờ uă, mơya cau tam bơsềt pal lơh jăt nền nòn ală broă lơh bè kỹ thuật bơh broă lơh hìu tìm tus mờ broă rơsìh phôi, lơh bơta duh, bơta àng, bơta ram tàm hìu tam bơsềt kung pal gơdờp den hơ\ sồng bơsềt geh hòn gơs niam. Ồng K’ Vít pà g^t: lài ngan ờ hềt g^t nền nòn tàm broă sền gàr den tàng kung gơtìp ờ geh cồng nha, mơya tơnơ\ mờ tơngai lơh jăt tai, tus tu\ do broă lơh do neh geh cồng nha, pơgồp bal tàm broă tơnguh geh priă tàm hìu nhă.

Ồng K’ Vít, Bí thư Đảng uỷ xã Sơn Điền pà g^t tai, do là broă lơh gam geh lơh ai kuang bàng, cau geh đảng lam lài, go\ geh cồng nha geh lơh uă broă lơh do ai làng bol tàm xã in tus bal. Tu\ do, neh geh 5 nă kuang bàng, cau geh đảng tàm xã tus bal mờ broă lơh do.

-Lài jơh là kờ ai làng bol kis tàm do in. Tài tam do là tiah ngài, gùng lòt gơtìp kal ke, ờ hềt lam sồr làng bol tàm broă tam, ròng phan tàm dà mờ tam bơsềt. Drà kă bro ngài, broă tăc gam uă kal kle.

Broă do den kung kơ\p kờ` là kơnhoàl mờ ală gah, mpồl lơh broă geh gơnoar dong kờl xã bè broă tăc, den hơ\ sồng geh lam sồr làng bol tus bal tàm broă tam, nàng tơnguh priă geh tàm tơngai tus.

Bơta kờ` bơh bơsềt bào ngư là phan hòn geh kơnờm bơh phan ndai dê, tơngai hòn gơs ờ jo\, [uơn tam, ờ gơrềng tus mờ bơta tàm ù tiah bal mờ broă bơsal wơl priă mhar. Jăt mờ tơl bơta phôi, geh phôi tơnơ\ mờ tu\ neh blơi, sền gàr tàm di pơgăp 10 ngai, bơsềt geh ai tơnhào.

Jăt mờ tơl bơta sơntìl, bơta `jơ\ bơh kơl dung phôi bơsềt mờ broă sền gàr den bơsềt geh ai tơnhào uă dơ\, cồng nha geh bơh 300 tus 350 gram tàm 1 phôi. Do là bơta phan kloh, bơkah, geh khà dinh dưỡng uă mờ niam ai să jan in, tài tàm broă lơh ờ geh ngui ală bơta phơng sih, hoá chất ha là sơnơm sền gàr phan tam lơh ờ niam tus mờ bơta pràn kơl dang să jan cau ngui sa.

Tơnơ\ mờ broă tam bơsềt bào ngư jù bơh hìu nhă Bí thư Đảng uỷ xã Sơn Điền geh cồng nha, hìu nhă ồng K’ Khoa, kis tàm [òn Bờ Nơm tus bơsram mờ đòm jăt sơl. Hìu nhă ồng neh bơcri 14 tơlăk priă nàng lơh hìu tam bơsềt, blơi 4 rơbô kơl dung phôi bơsềt bào ngư jù mờ bơsềt rơyas.

Tus tu\ do, hìu tam bơsềt ồng K’ Khoa neh ai tơnhào bơh 2 tus 3 nhai, khà geh 900 k^ bơsềt. Mờ khà priă tàm dà kă bro geh bơh 40 tus 50 rơbô đong tàm 1 k^, hìu nhă ồng neh geh 36 tơlăk đong. Ồng K’ Khoa yal: Tơngai sơnrờp, tài ờ hềt g^t tàm broă lơh mờ sền gàr, den tàng tìp uă kal ke lơh gơbàn cồng nha tơnhào bơh broă lơh sa ờ uă. Tơnơ\ mờ dùl tơngai lơh ndang mờ bơsram ndang, neh g^t broă mờng chài mờ rơhời tơmù kal ke. Broă kờ` bơsềt bơh làng bol geh uă ngan. Tàm tơngai tus geh lam sồr làng bol tàm xã lơh jăt bal.

-Do là broă kơ\p kờ` ngan bơh a` dê nàng broă lơh sa geh tơnguh bơtàu rơlao. Mơya, tàm broă lơh bơh să tờm dê, broă sền gàr bơsềt gam gơtìp kal ke, tài ờ geh cau bơto. Bơh tàm broă kờ` lơh, a` jòi sền tàm internet cau geh bơto sồr lơh, hơ\ sồng kung geh tơnhào sơl pah ngai.

Ồng K Uẩn, Chủ tịch Uỷ ban mặt trận dà lơgar Việt Nam xã Sơn Điền, kơnhoàl Di Linh pà g^t: Tus tu\ do bè broă kỹ thuật sền gàr bơsềt bol a` neh g^t, bè rơwah tiah nàng lơh hìu tam bơsềt pal àng niam, ba` geh sàl druh tơn. Kờ` geh kơl dung phôi tơnguh bơtàu niam, bơsềt hòn uă, bơta niam uă den pal sùm sền gròi bơta duh, bơta sùh tàm hìu bơsềt, tàm hơ\ uă ngan là broă tuh dà.

Bơdìh mờ broă sền gàr, broă tơnhào kung pal lơh nền nòn mờ tơnơ\ mờ tu\ tơnhào pal lơh kloh niam ngko kơl dung phôi. Bơdìh hơ\ tai, pal lơh niam broă rơcang sơndră mờ ờ uă kòp bơsềt in, di lah gơtìp bơsềt gơbàn kòp den he rơsìh vôi ha là ngui dà vôi nàng gơsơ\t vi khuẩn mờ sơbì ală kơl dung phôi bơsềt gơtìp koòp. Di lah sền gàr niam, mờ 5 rơbô kơl dung phôi, geh di pơgăp 1 tấn nggùl bơsềt, cèng geh di pơgăp 40 tơlăk đong tơnơ\ mờ tu\ neh kờp jơh khà priă tă.

Bơh broă lam lài ồng K’ Vít, Bí thư Đảng uỷ xã, broă tam bơsềt bào ngư jù gam geh lơh uă tus mờ ală kuang bàng, cau geh đảng bal mờ làng bol kis tàm xã tiah ngài Sơn Điền do dê. Broă lơh do ờ mìng tơnguh rài kis tàm broă sào sa pah ngai gơwèt mờ tol hìu nhă kòn cau kis tàm do, mờ gam gơtùi tơnguh priă geh tu\ neh gơs phan kă bro. Cấp uỷ, gơnoar atbồ tàm xã kung kơ\p kờ` gah mpồl lơh broă geh gơnoar ai tơl bơta niam nàng tơnguh bơtàu broă lơh do.

Cau làng bol Ndong Brawl