Bơh ngai 01/03/2014, anih pờ tơlik jơnau đơs Việt Nam neh lơh bơtàu tơngguh pràn rlau  mờ pờ tơlik jơnau đơs K’ ho tàm 2 càr Lâm Đồng mờ Dak Nông. Jơnau đơs do, geh  pờ tơlik mờ jơh tơl ala\ bơta  tàm rài kis, lơh sa, mpồl bơtìan, ala\ gùng dà broa\ lơh bơh Đảng, Dà lơgar dê tus mờ làng bol kòn cau. Dơ\ sơnrờp geh pờ tơlik jơnau đơs, jơnau đơs dà kòn cau K’ho neh geh ua\ kuang bàng,  gơnuar at bồ, bal mờ làng bol tàm 2 càr Lâm Đồng, Dak Nông geh ua\ jơnau đơs niam mờ kờ` ngan.

Ală ngai do, bulah gam lơh broă lơi, halà ơm tềng lơi, bi Brừm ơm tàm bòn drà Di Linh kơn hòal Di Linh kung gam kơp geh iat jơnau đơs dà kòn cau K’ho tàm gah pờ tơlik jơnau đơs dà kòn cau bơh jơnau đơs Việt Nam bơh điện thoại at tê. Bi Brừm pà git, ờ mìng pơn ìơ să tu\ geh iat săp đơs làng bol kòn cau K’ ho he dê geh pờ tơlik tàm anih pờ tơlik jơnau đơs dà lơgar, mờ bơh hơ\ gam git tai uă jơnau tơngit geh kuơ bè rài kis, lơh sa, mpồl bơtiàn, ală gùng dà broă lơh bơh Đảng, kơrnuat boh lam bơh dà lơgar dê. Kuơ màng bơh tơngume bè ală pơn rơ jak cau niam, broă niam, ală broă lơh sa geh cồng nha, neh gơs là ală jơnau tơngit kuơ màng ngan nàng làng bol in bơsram jat mờ mut ngui, hời rơ hời brồ guh săng sơbì jơ gloh tơmù rơbah, bơtàu tơnguh rài kis. Bi Brừm đơs: “Jơnau đơs geh pờ tơlik mờ dà kòn cau K’ho bơh anih lơh broa\ jơnau đơs Việt Nam pa geh pờ tơlik tàm bồ nhai 3 do, iat jơnau đơs do a` go\ gơ lơh geh ua\ ngan bơta geh kuơ màng ngan. Ngan la geh pơlam làng bol tàm broa\ geh ngu bơta jak chài pa tàm broa\ lơh sa, pơlam  broa\ lơh sa, kung bè dong làng bol geh bơtàu tơngguh git wa\ bè ala\ bơta bơhìan chài rgơi, mpồl bơtìan bơh làng bol kòn cau he dê nàng làng bol he chồl guh ala\ bơta kuơ màng hơ\”.

Lâm Đồng là càr tiah kơh bơ nơm geh 1 tơlak 200 rbô nă làng bol, tàm hơ\ làng bol kòn cau K’ ho geh mờr 170 rbô nă, ơm kis rah rài tàm làm gùt ală bòn tiah sar lơgar ngài. Jat ồng Bôn Yô Soan, kuang jat jơng atbồ mpồl duh broă kòn cau càr Lâm Đồng, bơh jo\, uă ngan ală jơnau tơngit tàm ală gah tus mờ làng bol, uă ngan là geh mblàng mờ bơr, den tàng jơnau đơs dà kòn cau K’ ho geh pờ tơlik tàm anih jơnau đơs Việt Nam tàm Lâm Đồng neh gơs là 1 gah pờ tơlik kuơ màng ngan, mờ geh kuơ ngan ngồn tàm broă mblàng yal bè tơl bơta. Ờ mìng dong làng bol git ală jơnau tơngit bè gùng dà, broă lơh bơh Đảng, kơrnuat boh lam bơh dà lơgar dê, mờ gam dong khi git tơl làm mờ gơtùi git mờ ală kai bơh ală mpồl sò tơm dê, sơ mờm jơnau kòn cau, pin dờn jat ỳang nàng tam cah mpồl tam klac dờng jơi bơtiàn kòn cau dà lơgar he dê. Ồng Buôn Yô Soan kơp kờ`, jơnau đơs dà kòn cau K’ho geh pơnjat tai pờ tơlik mờ bơtàu tơnguh, drơng jơnau kờ` git bè jơnau tơngit bơh làng bol kòn cau tiah do dê. Ồng đơs: “ Pal đơs là, jơnau đơs dà kòn cau K’ho pơ gồp bơnah cèng wơl cồng nha niam ngan tàm broă mblàng yal ală gùng dà broă lơh bơh Đảng, kơrnuat boh lam bơh dà lơgar dê, mờ kuơ màng ngan rlau jơh là broă sền gàr, brồ guh ală bơngă chài rơ gơi kòn cau dê. Bơh hơ\, làng bol gơtùi git ală gùng dà broă lơh bơh Đảng, dà lơgar dê tus mờ làng bol kòn cau. Bơsram jòi git tai ală bơta git wă tàm broă lơh sa, bơtàu tơnguh lơh sa mpồl bơtiàn tàm bòn lơgar. Do là 1 jơnau đơs geh kuơ ngan, kơp kờ` tàm tơngai tus, geh uă tai tơngume geh kuơ mờ dipal mờ làng bol rlau.”

Tơngume jơnau đơs dà kòn cau K’ho pờ tơlik tàm anih jơnau đơs Việt Nam gam geh pờ tơlik tàm 2 càr Lâm Đồng mờ Dak Nông bơh anih lơh broă sùm jơnau đơs Việt Nam tàm Tây Nguyên drơng lơh, geh pờ tơlik tu\ bơh 2 jơ tus 2 jơ 45 phút mho, mờ tu\ bơh 6 jơ 45 phút  tus 7 jơ gùl  mho măng pah ngai. Bơdĩh mờ jơnau đơs dà kòn cau K’ ho, ală jơnau đơs geh pờ tơlik mờ 5 dà đơs ală kòn cau gam wơl là Rơđê, Jarai, Bơnhàr, Sơdàng mờ M’nông kung geh anih lơh broă sùm jơnau đơs Việt Nam tàm Tây Nguyên mut lơh. Ală jơnau đơs do neh gơs là rơbàng tơr bo\ kuơ màng, drơng jơnau kờ` mhar, di tu\ mờ di tus mờ làng bol ală kòn cau tàm Tây Nguyên.