VOV4.K’ho – UBND càr Lâm Đồng pơnjat tai tơlik rơndap broă mut lơh broă lơh re ờ do ờ dă, rơcang sơndră bu\ dà kơnòm dềt in tơngai bơh nam 2017 tus nam 2020. Jat rơndap broă, broă bơyai lơh ală broă lơh re mờ bơtàu tơnguh srơh pơlam tàp re dà kơnòm dềt in; tơnguh jơnhua bơta git wă, kơnòl bơh mpồl bơtìan dê mờ pràn jak lơh broă ờs mờng bơh mpồl cau pơlam tàp, cau bơto bơtê bè broă rơcang sơndră rềs àr bu\ dà tàm kơnòm dềt, pơgồp bơnah tơmù tus khà lơyah ngan rlau jơh rềs àr bu\ dà digơlan gơlik geh, tơnguh pràn kơldang să jan mờ khà jơnhua să jan ơruh pơnu, kơnòm pa tàu, kơnòm dềt in. Lơh ngan tus nam 2020, gùt càr geh 40% kơnòm dềt tàm sơnam cấp 1, cấp 2 git bơta chài ờ do ờ dă tàm tiah dà.