VOV4.K’ho – Drim òr ( 19/6), tàm [òn dờng Dà Làc, Anih duh broă làng bol càr Lâm Đồng mờ Cơldu\ kă bro mờ lơh sa mờ mai\ mok Việt Nam bơyai lơh pơrjum jòi broă lơh tam gơl khà bơta pràn tàm pơr lòng, chul chồl bơta bơtàu tơnguh lơh sa mpồl bơtiàn càr dê tàm tơngai tus. Nam 2014 mờ 6 nhai bồ nam do, khà bơta pràn tàm pơr lòng càr Lâm Đồng dê neh tam gơl uă ngan, gơguh 7 khà bơh ơm dơ\ 36 guh ơm dơ\ 29. Ală kal ke tàm broă lơh sa kă bro bơh ală mpồl lơh sa kă bro tàm càr dê kung hời rơhời geh bơsong, pơgồp bơnah dờng ngan tàm bơta bơtàu tơnguh lơh sa mpồl bơtiàn càr dê. Mơya pơrjum kung đơs tờm, cồng nha rơndap tap sèng khà pràn tàm pơr lòng Lâm Đồng dê kung gam lơyah pơn drờm mờ kơnhòal mờ gùt lơgar, anih kă bro kung gam pơhìn uă bơta aniai, cồng nha tam gơl sră nggal lơh broă gam ờ hềt niam, broă dong kờl ală mpồl lơh sa kă bro, ală cau tac phan dùl nă să is, tơnguh bơta niam broă drơng ala ờ hềt geh sền gròi dipal. Kuơ màng, broă dờp geh ù tiah bơh ală mpồl lơh sa kă bro dê kung gam kal ke, priă jền ờ ngan ngồn kung là bơta dờng ngan lơh uă mpồl lơh sa kă bro ờ suk.

                                                                       Cau mblàng K’ Duẩn.