VOV4.K’ho – Mho òr, 3/7, ală mpồl lơh broă geh gơnoar bơh kơnhoàl Dà Huoai, càr Lâm Đồng kung gam lơh ngan bơsong jơnau gơ lời wơl bơh dà ko\ dà cò lơh tơr lơm dùl nơm rbàng tàm kơnhoàl, lơh mờr 20 hìu nhă làng bol tàm [òn Ba Vì, xã Hà Lâm gơtìp tam cah is.

Tơnơ\ mờ tu\ gơlik geh bơta aniai, kơnhoàl Dà Huoai mờ xã Hà Lâm neh sồr mpồl lơh broă tus sền gròi 2 đah rbàng, dong làng bol pơndiang phan sa mờ ală phan bơna kuơ màng lòt gan rbàng, gàr niam rài kis bè ờs. Jat ồng Phạm Hoàng Long, kuang atbồ Kuang àng xã Hà Lâm, broă bơsong jơnau gơ lời wơl bơh tơr lơm rbàng gam gơtìp kal ke tài jơh 2 `jrong rbàng ndrờm gơtìp tơrlah kơn jơ\ ngan. Digơlan ală hìu nhă làng bol ơm kis tàm [òn Ba Vì gam pơnjat tai gơtìp tam cah is tàm 2, 3 ngai tus.

                                                               Cau cih mờ yal tơnggit K’Duẩn