VOV4.K’ho – Tàm [òn dờng Dà Làc, Phòng Công nghiệp mờ Thương mại Việt Nam pơgồp bal mờ càr Lâm Đồng pa bơyai lơh broă lơh “Tìp mat lơh quèng Sơnđờm mu\t lơh broă lời ai cau bơsram dờng- ơruh pơnu Lâm Đồng in nam 2017”. Broă lơh do gơhòi gơ jà pơgăp 400 nă cau bơsram dờng, đoàn viên, ơruh pơnu tus bal. Geh gi\t, Ủy ban Nhân dân càr Lâm Đồng pa ai ngui broă lơh dong kờl sơnđờm mu\t lơh broă tus nam 2020 mờ uă gùng dà broă lơh dong kờl ai ală mpồl lơh sa kă bro, cau dùl nă să is tàm tiah do in. Pơn jat hơ\, rơndăp broă lơh dong kờl 50% (uă ngan rlau jơh là 100 tơlak priă) ai ală cau mờ mpồl lơh sa kă bro mu\t lơh jơnau kờn sơnđờm mu\t lơh broă. Mờ càr gam dong kờl 50% priă tă đòm jat ngui bơta jak chài lơh gơlik phan bơna pa, dong kờl càn priă tàm ală kes priă dong kờl sơnđờm mu\t lơh broă, kes priă bơtàu tơnguh khoa học công nghệ…Tàm dơ\ tìp mat lơh quèng, ală mpồl lơh sa kă bro, kuang đơng lam bồ ală gah lơh broă tàm càr Lâm Đồng neh yal ală mờng chài, gùng dà broă lơh dong kờl mờ pơlam gùng jơnau kờn sơnđờm mu\t lơh broă ai ơruh pơnu mờ cau bơsram dờng in.

Cau cih mờ yal tơngi\t-Lơ Mu K’ Yến