VOV4.K’ho- {òn dờng Dà Làc tu\ do geh mờr 2 rbô 100 anih ơm apah ală bơta, bal mờ rlau 25 rbô 400 cơldu\ bi\c, lơh geh tơl jơnau kờ` ơm rlô pràn să bơh năc lòt nhơl dê. Tàm dơ\ sa tềp Tây pa do, mpồl năc lòt tus Dà Làc neh gơguh wơl. Hơ\ là tềl tơngo\ bơh bơta bơtàu tơnguh wơl gơ wèt mờ gah nhơl chờ tiah do dê. Nàng làng bol mờ năc lòt nhơl in wa\ rò sơnam pa sa tềp bơhiàn dà lơgar dê nam Tân Sửu 2021 ờdo ờdă, tàm ală anih lòt còp, anih ơm apah bơh càr Lâm Đồng dê ndrờm sơlơ tơnguh tai ală broă lơh gròi sền, ătbồ broă lơh rơcăng sơndră kòp bơtờp.

Dà Làc, càr Lâm Đồng dê là anih tus geh uă ngan cau năc lòt nhơl săc rwah ai dơ\ ơm rlô sa tềp bơhiàn dà lơgar dê nam Tân Sửu 2021. Den tàng bè hơ\, bơdìh mờ broă lơh jăt niam ală jơnau sồr bè rơcăng sơndră kòp Covid-19, gah nhơl chờ càr Lâm Đồng neh tơnguh tai broă lơh ătbồ gàr niam priă drơng broă ơm apah, sàu sa, gàr kloh niam ờdo ờdă phan sa. Mò Nguyễn Thị Bích Ngọc, Phó Kuang ătbồ Sở Văn hoá, Thể thao mờ Du lịch càr Lâm Đồng dê pà gi\t, gah lơh broă do neh sồr ală anih lơh broă kă bro nhơl chờ pal lơh geh bơta niam drơng broă năc lòt nhơl in, jăt jơnau đơs: Niam- ờdo ờdă mờ rềp mềl. Mò Nguyễn Thị Bích Ngọc, đơs: Tu\ do, broă lơh gơkờ` năc lòt nhơl neh geh cồng nha, bol a` đơs nền nhơl chờ Dà Làc ờdo ờdă mờ pal lơh geh bơta niam. Dilah dơ\ lơh gơkờ` năc lòt nhơl lài do gơmù khà priă ờ go\ gơmù bơta niam den dơ\ do kung gàr sơl bơta niam mờ tơnguh tai bơta niam tàm broă lơh nhơl chờ, hơ\ là ală phan bơna nhơl chờ pa. Pa do, mpồl lơh broă nhơl chờ kung gơtìp gơrềng sơl uă ngan mờ tu\ do là tu\ nàng ală mpồl lơh sa kă bro nhơl chờ geh bơtàu tơnguh wơl broă lơh drơng broă.

Năc lòt nhơl tus Dà Làc nàng nhơl tàm dơ\ ơm rlô niam ngan mờ lơngăp lơngai ngan

Jăt tơrgùm kờp bơh Cơldu\ lơh broă Văn hoá, Thông tin [òn dờng Dà Làc, càr Lâm Đồng dê pà gi\t, tu\ do, jơh gùt [òn dờng gam geh mờr 2 rbô 100 anih ơm apah ală bơta, bal mờ rlau 25 rbô 400 cơldu\. Tàm hơ\, bơta ơm apah gơguh mhar là ală hìu năc tơl jơnau khà, hìu kuơ\ nhơl chờ, hìu ơm rlô nhơl chờ, homestay gơguh pràn ngan. Bơh tài mờ ală bơta nhơl chờ ơm apah ngai sơlơ gơguh taih hơ\ là tài bơh mpồl năc lòt nhơl săc rwah Dà Làc là anih tus nàng lòt còp, ơm rlô pràn să ngai sơlơ gơguh tai. Den tàng bè hơ\, uă bơta nhơl chờ ơm apah geh lơh bal mờ khà ngai sơlơ gơguh nàng lơh geh tơl jơnau kờ` bơh năc lòt nhơl dê. Mơya, nàng tơnguh bơta niam ală broă nhơl chờ ơm apah dê. {òn dờng Dà Làc neh lơh pràn broă lơh ătbồ ală bơta nhơl chờ ơm apah jăt broă lơh niam ngan. Jơnau là bè do, bè lơh pràn broă lơh pơgồp bal đah ală gah lòt sền ală anih ơm apah tàm broă yồng k[àng yal tơngi\t jăt di jơnau sồr. Gàr sùm gùng che điện thoại nàng gi\t jơnau yal wơl bơh năc lòt nhơl dê nàng lơh niam wơl broă lơh wa\ rò năc lòt nhơl bơh ală anih ơm apah dê. Ồng Nguyễn Đức Thuận, Kuang ătbồ Sở Y tế càr Lâm Đồng pà gi\t, nàng lơh geh bơta ờdo ờdă tu\ lòt tus Lâm Đồng nhơl chờ, gah lơh sơnơm sồr năc lòt nhơl lơh jăt niam broă yal tơngi\t mờ cau lơh sơnơm in, crăp tơmu\t ală phan ngui gròi sền kòp bơtờp Bluezone.

Ồng Nguyễn Đức Thuận, pà gi\t: Bol a` sùm bơto pơlam mờ yal ală jơnau yal kuơmàng ai ală sở, ban ngành, Ủy ban Nhân dân ală kơnhoàl, ală anih lơh broă geh gơrềng in nàng lam lơh dùl ròt bal broă lơh rơcăng sơndră kòp. Ală anih lơh sơnơm den pal sùm tàm pơgồp bal mờ ală tiah nàng lùp gi\t, yal tơngi\t, jăt sền, gròi sền di tu\ jơh ală cau tus bơh ală tiah ndai bơdìh càr, ngan là ală cau lòt tus bơh tiah geh pơhìn gơbàn kòp.

Tàm nam 2020, tài gơrềng bơh kòp Covid-19 dê, mpồl năc lòt nhơl tus Dà Làc, càr Lâm Đồng gơmù 44% pơndrờm mờ nam 2019. Uă mpồl lơh sa kă bro gah nhơl chờ, ală hìu năc, ală anih ơm apah pal ơm ing lơh broă, gi\t nđờ rbô nă cau lơh broă tàm gah nhơl chờ pal ơm rlô lơh broă. Nàng gah nhơl chờ bơtàu tơnguh wơl mờ wa\ rò rlau 4 tơlak nă năc lòt nhơl, ơm rlô pràn să tàm nam 2021 do, mơkung bơtàu tơnguh wơl lơh sa, kă bro. Ồng Phan Văn Đa, Phó Chủ tịch Ủy ban Nhân dân càr Lâm Đồng sồr ală sở, ban, ngành, ală tiah mờ làng bol tàm càr ờ go\ di sền ờ sơp, mơya pal rơcăng ngac ngan, kơrhia ngan tu\ Lâm Đồng ờ hềt geh cau lơi bơtờp mờ virus Sars CoV-2. Ồng Phan Văn Đa, đơs: Nàng lơh geh jơnau kờ` dơ\ le\ bal hơ\ là rơcăng sơndră kòp geh cồng nha mơkung bơtàu tơnguh wơl rơhời ală broă lơh lơh sa, càr Lâm Đồng pal kơryan tus gơtùi bơta kòp Covid-19 bơtờp mờ lơh ngan ơm tàm khà jơnhoa ngan rlau jơh ờ go\ di lời gơlik geh cau lơi bơtờp kòp. Dilah gơlik geh cau lơi bơtờp kòp, den tiah hơ\ roh uă ngan priă jền, roh uă ngan tu\ tơngai mờ geh ờ go\ geh tu\ jiơ nàng bơyai lơh ală broă lơh lơh sa, kă bro.

Dà Làc sùm là anih tus lơh gơkờ` ngan cau mờ niam ờdo ờdă ngan pah dơ\ sơnam pa sa tềp rê tus

Jăt jơnau cih dờp bơh ală anih ơm apah tàm Dà Làc, càr Lâm Đồng dê yal, mpồl năc dan apah cơldu\ ơm apah tàm dơ\ lồi sơnam 2020 tus dơ\ sa tềp bơhiàn dà lơgar nam Tân Sửu neh geh jơnau tơngo\ bơtàu tơnguh wơl. Mìng kờp tàm dơ\ sa tềp Tây nam 2021 pa do lơm, [òn dờng Dà Làc neh wa\ rò mờr 60 rbô nă năc lòt còp nhơl, ơm rlô pràn să. Tàm hơ\, năc lòt nhơl bơh tàm lơgar gơguh mờr 44% pơndrờm bal dùl tu\ mờ nam lài. Gơtùi đơs, tàm tu\ gah nhơl chờ bơh uă lơgar tàm dunia mờ uă tiah tàm lơgar dê gam kong gơrềng uă ngan bơh kòp dờng Covid-19, den mpồl năc rwah Dà Làc nàng lòt còp, lòt sền nàng gi\t bal mờ khà kờp pal cih dờp ngan tơn bơh bồ sơna, neh pờ tơlik bơta pin dờn mờ gơn kơnờm ngan ai bơta bơtàu tơnguh gah nhơl chờ tàm [òn dờng rbô bơkàu do dê.

Cau cih VOV Tây Nguyên- Cau mblàng Lơ Mu K’Yến