VOV4.K’ho- Anih duh broă te\ khà càr Lâm Đồng, pà gi\t: Kờp ờ hềt ngan ngồn tus lài mờ tu\ jiơ pờ thùng sră (7 jiơ mang òr) dơ\ te\ khà kuang bàng Gơnoar ala mat dà lơgar kơnă 14 mờ Mpồl duh broă ala mat làng bol ală kơnă tơngai lơh broă bơh nam 2016- 2021, càr Lâm Đồng neh lơh geh cồng nha niam ngan, mờ khà cau te\ khà lòt te\ khà geh mờr 100%. Jat Anih duh broă te\ khà càr Lâm Đồng yal: dơ\ te\ khà kuang bàng Gơnoar ala mat dà lơgar kơnă 14 mờ Mpồl duh broă ala mat làng bol ală kơnă tơngai lơh broă bơh nam 2016- 2021 bơh càr Lâm Đồng dê neh lơh geh cồng nha uă. Pal sền ngac ngan là, tàm ală tiah sar lơgar ngài, tiah làng bol kòn cau tàm càr geh wơl khà cau lòt te\ khà jơnhoa ngan rlau jơh mờ jơh lơh te\ khà gờn ngan rlau jơh. Ồng Nguyễn Văn Yên kuang jat jơng atbồ Anih duh broă te\ khà mơkung là Kuang jat jơng atbồ Anih duh broă làng bol càr Lâm Đồng, đơs: “Gơtùi đơs, dơ\ te\ khà Gơnoar ala mat dà lơgar kơnă 14 mờ Mpồl duh broă ala mat làng bol ală kơnă bơh càr Lâm Đồng dê neh jơh lơh niam ngan, uă kơnhoàl cau te\ khà lòt te\ khà jơh 100%, geh bàr pe kơnhoàl sơr lèt rlau 100% tài bơh cau te\ khà ờ ơm kis sùm tus tàm do. Bơta lơngăp lơngai gùng dră bal tus tu\ tơngai do là sền gàr niam ngan ờdo ờdă ngan mờ ờ geh bơta lơi gơlik geh tàm ù tiah jơh gùt càr dê”.

Cau cih mờ yal tơngi\t- Lơ Mu K’ Yến