VOV4.K’ho – Bơh nam 2010 tus tu\ do, càr Lâm Đồng geh 28 rơndăp broă lơh 100% priă bơcri tơn lơgar ndai (FDI) geh lơh sră cơng tàng bơcri mờ kờp jơh priă cih mat bơcri là 69 tơlak 550 rbô dolar Mỹ, tơnguh jơh ală rơndăp broă lơh gam geh lơh broă tàm ù tiah càr Lâm Đồng tu\ do gơguh tus 109 rơndăp broă lơh mờ kờp jơh priă cih mat bơcri là mờr 468 tơlak dolar Mỹ. Tàm 109 rơndăp broă lơh do geh 95 rơndăp broă lơh 100% priă lơgar ndai; 12 rơndăp broă lơh lơh sa kă bro bal; 2 rơndăp broă lơh tam klac bal lơh sa kă bro. Jơnau đơs bơh càr Lâm Đồng dê pà gi\t, uă ngan ală rơndăp broă lơh do geh broă lơh dềt, bơcri priă uă ngan tàm gah lơh broă sa sươn sre, lơh gơlik phan kă bro bơh phan lơh geh bơh sươn sre, priă kờp bal 2 tơlak 800 rbô dolar Mỹ dùl mpồl lơh sa kă bro. Pah nam, ală rơndăp broă lơh bơcri priă lơgar ndai neh tă pơgồp tàm priă lơh geh (GDP) bơh càr Lâm Đồng dê pơgăp bơh 4,5- 5%, lơh geh broă lơh sùm ai rlau 7500 nă cau in mờ ai gi\t nđờ rbô nă cau in lơh broă jat nhai kàl.

Cau cih mờ yal tơngi\t- Lơ Mu K’ Yến