VOV4.K’ho – Mho òr, 4/8 tàm [òn dờng Dà Làc, Học viện Chính trị dà lơgar Hồ Chí Minh mờ Tỉnh uỷ, UBND càr Lâm Đồng pơgồp bal bơyai lơh pơrjum jòi broă lơh nàng tam gơl mờ tơnguh jơnhua khà cồng nha quản trị mờ hành chính dà lơgar kơnă càr (PAPI) bơh càr dê. Khà PAPI là khà đơs bè bơta niam nùs bơh làng bol dê bè cồng nha đơng lam, atbồ dà lơgar, mut lơh ngan ngồn ală broă lơh mờ mut lơh broă drơng ala dà lơgar bơh gơnoar atbồ ală kơnă dê.

Jat jơnau đơs tàm pơrjum, cồng nha quản trị mờ hành chính dà lơgar kơnă càr nam 2016 bơh càr Lâm Đồng dê di mpồl dimơ lơyah bơh gùt lơgar dê, mìng geh 35,2 điểm, ơm dơ\ 3 tàm tiah Tây Nguyên (tơnơ\ Daklak mờ Daknông). Tàm hơ\, ală khà tơngume bè loh làng song dơpă, sền gròi sa kuề sa kùa mờ sră nggal lơh broă dà lơgar geh khà điểm lơyah ngan, bơta do neh lơh aniai tus bơta bơcri priă bơh Lâm Đồng mờ bơta pin dờn bơh làng bol dê tus mờ mpồl kuang bàng tàm gơnoar atbồ ală kơnă tàm càr.