VOV4.K’ho- Lâm Đồng là càr geh uă bơta niam nàng bơtàu tơnguh lơh broă sa sươn sre jat gùng dà kông nghệ cao. Tu\ do, uă bă ù tam phan ngui kông nghệ cao lơh geh priă jền bơh 500 tơlak tus 3 tơmàn priă tàm dùl lồ dùl nam, kuơmàng neh geh bàr pe broă lơh sa lơh biăp “thủy canh” hơ\ là biăp tam mờ dà ờ duh kờn pal geh ù lơh ai biăp geh jồp phơng klài tàm dà in geh priă jền rlau 8 tơmàn priă dùl lồ dùl nam. Mơya, kờn broă lơh do geh rề ơnàng lơh uă, kờn pal geh cơ cê ai càn priă krơi is ai broă lơh do in.

Tàm khà mờr jơ\t broă lơh gam lơh biăp “thuỷ canh” ngui kông nghệ cao tàm Lâm Đồng den anih lơh sa sươn dờng lơh biăp sơlăt bơh hìu bơnhă mò Phạm Thị Cúc, kis tàm [òn Dà Nghềt, xã Lát, kơnhoàl Lạc Dương dê là dùl anih pơnrơ. Ngui jat kông nghệ bơh châu Âu dê, den tàng priă tă bơcri ai anih lơh sa sươn dờng in là uă ngan, tơl lồ là pơgăp 8 tơmàn priă. Bal mờ hìu krơh, kờn pal geh ală phan lòt jat bal bè ding rbòng, che pơđì dà, cê khuă, dra ơn chi, sơntèk đùh, ală măy [ồm dà…ală phan do ndrờm blơi bơh jơh bơh lơgar ndai lơm.

Biăp tam thủy canh

Jat mò Phạm Thị Cúc yal, broă lơh biăp “thuỷ canh” ngui kông nghệ cao là ờ go\ kal ke, ờ huan roh uă cau sơngka sền gàr mơya lơh geh wơl phan bơna niam bơkah ngan mờ priă lơh geh là uă ngan.

“Tam biăp “thuỷ canh” den gơ là [ươn ngan ờ go\ geh bơta lơi kal ke ờ, dơ\ dùl hơ\ là priă cồng gơ dê là uă ngan, broă sơngka sền gàr gơ dùl êt ngan, gơ ơm tềng hơđang den tàng broă tơnhàu kung ờ bòl glar sơl. Mờ bơta rlau mờ bơta lơi jơh hơ\ là ngui sơnơm sền gàr phan tam, dilah dùl kàl lơh biăp tàm ù gơ jo\ jòng 2 nhai den cau [ồm bơh 5 tus 6 dơ\ sơnơm, mìng is sơlat tam “thuỷ canh” den mìng jo\ jòng bơh 25 tus 30 ngai lơm den tàng ờ go\ ngui sơnơm sền gàr phan tam. Bơta kuơ dơ\ pe hơ\ là dà gơ gơmù uă ngan ndrờm mờ 1/4 bơnah dà mờ cau tam biăp tàm ù”.

Bơh 1 sàu ù bơcri lơh bơh sơn rờp, tus tu\ do mò Phạm Thị Cúc neh rề ơnàng bă ù tam biăp thuỷ canh tus 1 lồ 3 sàu, mờ 16 bơta biăp sơlăt krơi is. Tu\ do, kờp bal pah ngai 1 lồ biăp lơh geh pơgăp 800 ki\ biăp sơlăt kă bro, mờ khà priă tăc uă jat sră pơrgon mờ ală siêu thị in là 40 rbô đong dùl ki\. Tài bơh jơnau kờn ngui sa biăp geh tam thuỷ canh do uă ngan den tàng ờ go\ kơlôi rơcang jơnau biăp ờ geh drà kă bro. Mò Phạm Thị Cúc, pà gi\t tai:

“Bơh nhai 6 nam 2015 tus tu\ do den tu\ lơi biăp lơh geh bơh a` dê kung là ờ tơl sơl nàng tăc tàm drà, mờ tàm tơngai tu\ do tơn den sơlơ ờ tơl uă ngan. Bơh lài tus tu\ do, a` tăc mờ 3 siêu thị mơya đơs ngan là ờ tơl biăp nàng tăc. Bơh sươn a` neh tăc là 40 rbô đong dùl ki\, den dùl lồ lơh geh là uă ngan, uă ngan ih. Cau ngui sa gam sền gròi ngan tus bơta pràn kơldang să jan, sơnđờm jòi tus ală phan lơh geh bơh sươn sre niam bơkah ờ [ơ\ [ơl den a` gam ờ tơl uă ngan biăp nàng tăc tàm drà kă bro”.

Biăp sơlat tam thủy canh

Jat ồng Phạm S, Pho\ Chủ tịch Ủy ban Nhân dân càr Lâm Đồng yal, broă bơtàu tơnguh lơh broă sa sươn sre ngui kông nghệ cao bơh càr dê neh geh tơnguh tai dùl bơta pa, mờ bơta niam phan bơna mờ khà priă lơh sa tàm bal dùl bă ù ndrờm gơguh uă. Mơya, kal ke dờng ngan rlau jơh tu\ do là priă nàng bơcri lơh, den tàng kờn bơto yal mờ rề ơnàng lơh uă broă lơh biăp thuỷ canh bè anih lơh sa sươn dờng mò Phạm Thị Cúc dê là jơnau kal ke ngan.

Ồng Phạm S, pà gi\t:

“Lơh broă sa sươn sre ngui kông nghệ cao kờn priă jền uă ngan, priă bơcri lơh broă sa sươn sre ngui kông nghệ cao uă rlau mờ priă ù, tàm tu\ hơ\ phan nàng dan càn priă den ờ geh anih priă jền dờn, den tàng bè hơ\, jơnau kờn priă bơtàu tơnguh lơh broă sa sươn sre ngui kông nghệ cao gam kal ke ngan. Tàm tơngai rềp ndo, Thủ tướng Chính phủ neh geh jơnau sồr lời dùl bơnah priă ai càn bơh 50 rbô tus 60 rbô tơmàn priă drơng broă lơh lơh broă sa sươn sre ngui kông nghệ cao. Bol a` đơs do là dùl broă niam ngan ai ală mpồl lơh sa kă bro lơh broă sa sươn sre ngui kông nghệ cao tàm gùt lơgar in đơs bal mờ càr Lâm Đồng in đơs is, den tàng bè hơ\ bol a` geh ngui priă jền do nàng dong kờl ală mpồl lơh sa kă bro, pơlam gùng ală mpồl lơh sa kă bro lơh geh ală phan bơna kông nghệ cao bơtàu tơnguh mhar, nàng lơh jat jơnau kờn bè bơtàu tơnguh kông nghiệp tơl làm, kơ\ kơl jăp mờ pa ngan”.

Ù tiah nđiơm gơs, trồ tiah mrềt niam ngan, càr Lâm Đồng geh bơta pràn nàng bơtàu tơnguh gah lơh broă sa sươn sre jat gùng dà ngui kông nghệ cao, ngan là ală bơta biăp, cê, kơphê, ròng kơnrồ dà toh mờ ròng ka dà mrềt. Tu\ do, ală phan bơna lơh geh bơh sươn sre càr Lâm Đồng dê neh geh tăc tàm ală drà tàm lơgar mờ tăc tus lơgar ndai, mờ neh geh dùl mat kă bro ngan ngồn tàm cau ngui sa. Dilah tu\ bơta priă jền bơcri lơh geh ai niam, ngan ngồn gah lơh broă sa sươn sre ngui kông nghệ cao bơh Lâm Đồng dê geh gam sơlơ bơtàu tơnguh pràn rlau tai, gờn ai Lâm Đồng gơ gơs là càr geh broă lơh sa sươn sre tơl làm, kơ\ kơl jăp mờ pa ngan jat jơnau kờn mờ nghị kuêt Mpồl Đảng càr dê neh sồr lơh!

Cau cih mờ yal tơngi\t- Lơ Mu K’ Yến