VOV4.K’ho- Huyện ủy Lạc Dương, càr Lâm Đồng pa bơyai lơh pơrjum tơn jơh Pơrjum dờng Đảng kấp hơđơm mờ Pơrjum dờng cau ala măt Đảng bộ kơnhoàl tơngai lơh broă bơh nam 2020- 2025; mơkung tơn jơh dơ\ tàm pơrlòng uă chờ gờm pơrjum dờng Đảng ală kấp bơh Ủy ban Nhân dân kơnhoàl lam lơh.

Đảng bộ kơnhoàl Lạc Dương, càr Lâm Đồng geh 35 mpồl đảng kấp hơđơm. Lài mờ tu\ Pơrjum dờng cau ala măt Đảng [ộ kơnhoàl, jơh ală mpồl đảng kấp hơđơm neh bơyai lơh Pơrjum dờng, lơh geh khà 100%; tàm hơ\ geh 10 đảng bộ mờ 25 chi bộ kấp hơđơm. Geh 3 mpồl đảng kấp hơđơm bơyai lơh pơrjum dờng lơh tơrlòng lài, lơh lài. Broă rcăng mờ cribơyai ală sră nggal jun yal tàm pơrjum dờng geh ală mpồl đảng kấp hơđơm sền gròi rcăng niam ngan; tơngume jơnau yal chính trị sền bal neh đơs tơl làm ală cồng nha lơh geh tàm broă lơh jăt kơrnoat pơrjum dờng tơngai lơh broă lài, đal gi\t geh ală bơta ờ hềt pràn jak, ờ hềt niam mờ jơnau bơh tài gơbàn, ngan jơnau gơbàn tài bơh ờ go\ rcăng lài; bơh hơ\ tơlik jơnau kờ`, kơnòl broă mờ broă lơh tờm kuơmàng bơh tơngai lơh broă pa bơh nam 2020- 2025 dipal mờ gơnoar broă, kơnòl broă, bơta pràn, bơta [ươn bơh tơl tiah, tơl anih mờ tơl mpồl cau dê.

Jăt tàm jơnau sồr, jơnau pơlam bơh kấp hơđang dê bè broă lơh kuang bàng drơng pơrjum dờng in, ală mpồl đảng kấp hơđơm neh lơh niam ngan, wil tơl ngan broă jăt jơnau sồr. Gơ wèt mờ đảng ủy ală xã, thị trấn, broă rcăng kuang bàng khoá pa gơ jăt bal mờ broă rcăng kuang bàng đơng lam bồ Hội đồng Nhân dân mờ Ủy ban Nhân dân tơngai lơh broă bơh nam 2021- 2026 in.

Ban Thường vụ Huyện ủy Lạc Dương, càr Lâm Đồng pà sră jờng rơ ai ală cau geh cồng nha jak ngan in

Pơrjum dờng cau ala măt Đảng bộ kơnhoàl dơ\ 11, tơngai lơh broă bơh nam 2020- 2025 neh geh bơyai lơh geh cồng nha. Pơrjum dờng lời uă tu\ jiơ nàng cau ala măt lòt Pơrjum dờng in cribơyai, tă pơgồp jơnau đơs tàm ală sră nggal jun yal tàm Pơrjum dờng Đảng bộ kơnhoàl in. Bơh cih dờp ală jơnau đơs tă pơgồp, cribơyai tàm pơrjum dờng, jơh ală jơnau đơs tă pơgồp tàm jơnau kờ`, kơnòl broă, broă lơh mờ ală broă tờm, broă kuơmàng lơh tàm tơngai bơh nam 2020- 2025, tàm hơ\ ală cau ala măt sền gròi tus broă ngui geh cồng nha bơta pràn, bơta [ươn bơh tiah he dê nàng bơtàu tơnguh.

Pơrjum dờng neh kơlôi sơnơng, cribơyai mờ pồ Ban Chấp hành Đảng bộ kơnhoàl khoá 11 geh 38 nă kuang bàng, lời ờ geh măt dùl nă kuang bàng bơtơl tơnơ\ Pơrjum dờng. Pơrjum dơ\ dùl Ban Chấp hành Đảng bộ kơnhoàl khoá 11 neh pồ 11 nă kuang bàng tàm Ban Thường vụ Huyện ủy; pồ Bí thư Huyện ủy mờ 2 nă Phó Bí thư Huyện ủy; pồ Ủy ban Sền swì. Pơrjum dờng neh pồ cau ala măt ngan ngồn lòt Pơrjum dờng Đảng bộ càr Lâm Đồng dơ\11, tơngai lơh broă bơh nam 2020- 2025 là 12 nă oh mi.

Pơrjum tơlik bàr pe kơnòl broă tờm tàm tơngai tus, hơ\ là: Sồr lơh gơs sră nggal, sră cih jơnau te\ khà jun yal mờ Ban Thường vụ Tỉnh ủy Lâm Đồng in sền swì, ring bal cồng nha te\ khà Ban Chấp hành, Ban Thường vụ, Ủy ban Sền swì Huyện ủy; gơnoar broă Bí thư, Phó Bí thư, Kuang ătbồ, Phó Kuang ătbồ Ủy ban Sền swì Huyện ủy khoá 11, tơngai lơh broă bơh nam 2020- 2025. Iăt kơno, lơh gơs ală jơnau đơs tă pơgồp tàm jơnau cih cribơyai tàm Pơrjum dờng, bơh hơ\ lơh gơs ală sră rơcăng cih sră nggal, ai tơlik broă lơh broă lơh jăt Kơrnoat bơh Pơrjum dờng dê, di tu\ bơ\t bơtàu ală kơrnoat tơngume, rơndăp broă, broă rơndăp lơh neh đal gi\t nàng gờ` ai Kơrnoat mu\t tàm rài kis.

Di tàm dơ\ do, Ban Thường vụ Huyện ủy Lạc Dương, càr Lâm Đồng neh jờng rơ 9 mpồl cau mờ 18 nă cau geh uă tă pơgồp tàm pơrjum dờng đảng kấp hơđơm mờ Pơrjum dờng cau ala măt Đảng bộ kơnhoàl tơngai lơh broă bơh nam 2020- 2025. Chủ tịch Ủy ban Nhân dân kơnhoàl Lạc Dương jờng rơ 11 mpồl cau mờ 19 nă cau geh cồng nha jak ngan tàm dơ\ tàm pơrlòng uă chờ gờm Pơrjum dờng Đảng ală kấp tơngai lơh broă bơh nam 2020- 2025.

Jăt Báo Lâm Đồng- Cau mblàng Lơ Mu K’Yến