VOV4.K’ho - Anih lơh broa\ geh gơnoar  càr Lâm Đồng neh kup bàn dùl anih gam mut lơh klài bơrlu\ phơng tuh ờ geh sra\ nggal tàm [òn 13, ntum Lộc  Thành, kơnhòal Bảo Lâm. Do la dơ\ lơh phơng  ờ geh sra\ nggal  dơ\ 2 geh git  bàn tàm Lâm Đồng tàm di gùl nhai do. Broa\ tìs geh mpồl kảnh sát lơh sa phan bơna kuang àng kơnhòal Bảo Lâm, càr Lâm Đồng kup bàn  tu\ nisơna tus sền anih lơh phơng do, mờ git bàn geh 6 na\ cau gam mut lơh broa\ tam bơrlu\ ala\ bơta phơng hóa học mìng is gơs phơng NPK niam ngan (geh tơl ala\ bơta khóang, trung vi lượng bal mờ bơta họat chất ròng chi tam). Cau tờm anih lơh phơng tìs do  geh ai git la mò Hồ Thanh Trang, 42 sơnam tàm sơnah [òn Lộc Phát, [òn dờng Bảo Lộc, Lâm Đồng. Kuang àng kơnhòal Bảo Lâm neh lơh sra\ jing lir bào phơng, kup 200 bào phơng neh lơh  gơs phơng NPK, mờ kờp jơh la tus 10 tấn phơng. Bal mờ hơ\,  gam geh di 2 tấn mơ gùl phơng neh klài bơrlu\ bal ờ hềt ơn tàm bào, dùl khà ua\ ngan bào, ala\ phan ngui nàng mut lơh broa\ klài bơrlu\ phơng nàng mut lơh phơng mờ 2 bàng kỳ nàng top gơs ngai nhai lơh phơng. Jat jơnau khài bơh mò Trang, lài hơ\, anih mò dê neh lơh gơs mờ tac tàm drà ka\ bro di 40 tấn phơng. Broa\ gơbàn gam geh anih lơh broa\ geh gơnoar lùp khàu lơh loh.

                             Cau cih mờ yal  tơnggit K’ Brọp