VOV4.K’ho – Phó Chủ tịch UBND càr Lâm Đồng, ồng Phan Văn Đa đơng lam pơrjum lam lơh jat broă rơndap lơh bơtàu tơnguh mpồl cau blơi Bảo hiểm xã hội, Bảo hiểm y tế nam 2020. Jat jơnau sền sơ wì, khà cau blơi Bảo hiểm xã hội, Bảo hiểm y tế tàm càr Lâm Đồng lơyah rlau mờ khà kờp bal bơh gùt lơgar dê.

Nam 2020, nàng lơh gơs khà tơnguh rlau 110 rbô nă cau blơi Bảo hiểm xã hội mờ geh 90% khà kờp làng bol tàm càr blơi Bảo hiểm y tế, pơrjum ai tơlik ală broă lơh kươmàng bè: Sơlơ tơnguh broă mblàng yal, bơ to pơlam broă lơh bè Bảo hiểm xã hội, Bảo hiểm y tế; hòi jà ală cau geh nùs nhơm niam, ală mpồl lơh sa kă bro dong kờl blơi thẻ Bảo hiểm y tế ai 2, 3 mpồl cau gơtìp kal ke ờ hềt geh tơl bơta nàng geh dờp ală broă dong kờl mpồl bơtìan; hòi jà hìu bơnhă lơh sa sươn sre, brê bơ nơm, phan tàm dà geh rài kis dimơ blơi Bảo hiểm y tế; ală anih lơh broă, mpồl lơh broă, gah broă lơh đơng lam đảng viên, công chức, viên chức hòi jà 100% cau tàm hìu bơnhă blơi Bảo hiểm y tế.

Cau mblàng K’Duẩn