VOV4.K’ho- Pah nam, geh pơgap bơh 8 rơbô tus 10 rơbô nă cau lơh broă khat gơboh tus  tàm Lâm Đồng lơh broă, mơya ală mpồl lơh kòn gùng broă lơh mìng atbồ geh pơgap 1/10 tàm ală khà hơ\ dê.  Tu\ do, gam mut tàm tơngai p^c kơphê, cau lơh broă khat gơ boh tus tàm ală tiah lơh broă gal ngan. Den tàng, lơh mbè lơi nàng gàr niam bơta kuơ cau lơh broă, cau tờm ngui cau lơh broa\ mờ gàr niam bơta lơngap lơngai, rơndap tap sèng tàm ală tiah do dê?

Bi Vũ Thị Thu, ala mat dùl công ty lơh kòn gùng cau lơh broă tàm kơnhòal Lâm Hà, càr Lâm Đồng pà g^t, jat jơnau sồr bơh anih lơh broă geh gơ noar dê, tàm tơngai lơh broă lơh kòn gùng broă lơh, mpồl lơh broă pal g^t loh ală jơnau yal tơng^t bè cau lơh broă dê lài mờ tu\ lơh ală sră pơrgon lơh broă cau lơh kòn gùng mờ cau tờm ngui cau lơh broă, bơdìh hơ\ tai den 2 gah kung tìp mat, tơm bơh bơr lài nàng g^t, ring bal broă lơh nàng pleh gơlik geh ală bơta ờ niam di gơlan gơlik geh. 

                          Cau lơh broă khat gơboh bơh ală tiah ndai tus Lâm Đồng p^c kơphê

Bi Vũ Thị Thu đơs: Cau lơh broă tus den he pal dan cih mat ơm tàm tiah do, he kung pal lùp loh làng bè broă lơh, khà pria\ nhai… Bơdìh hơ\, he kung pal bơ to pơlam cau tờm ngui cau lơh broă tu\ wă cau lơh broă rê den pal lơh mbè lơi nàng lòt cih mat dan ơm ing mờ gơ noar atbồ tàm ală tiah tàm tiah mờ hìu bơnhă he dê ơm kis.

Bơdìh mờ broă g^t loh să jan bơh cau lơh broă dê, gàr niam broă yal tơng^t jơnau,  cih mat dan ơm kis ing jat jơnau sồr, gơ noar atbồ ală tiah gam sền gròi broă lơh rcang sơn dră kòp Covid-19. Jat ồng Bùi Đức An, Phó Chủ tịch Ủy ban Nhân dân thị trấn Nam Ban, kơnhòal Lâm Hà đơs, bơdìh mờ cau lơh broă tàm ală gah broă ndai, cau lơh broă p^c kơphê jat kàl neh gơguh nisơna lơh broă atbồ gơtìp ua\ ngan kal ke. Den tàng, bơh tàm sơn rờp bồ tơngai p^c kơphê tơn, xã neh lam lơh jat niam ală jơnau sồr bơh dat boh lam dê.

Gơ  wèt mờ tiah do den neh tơrgùm đơng lam bơsong ală broă geh gơ rềng tus broă ơm kis ing tàm ù tiah xã dê nàng ơm p^c kơphê ai làng bol in. Ngan là broă lơh rcang sơn dră kòp sùm ơn lài hơ đap, di jat mờ Chỉ thị bơh Thủ tướng Chính phủ dê mờ jơnau sồr bơh Ủy ban Nhân dân càr Lâm Đồng dê.

                                Mpồl lơh broă geh gơ noar atbồ cau lơh broă tus tàm ală tiah lơh broă

Jat ồng Đinh Đức Chí, Phó chủ tịch Ủy ban Nhân dân kơnhòal Lâm Hà, càr Lâm Đồng pà g^t, tàm tơngai lài do, broă atbồ cau lơh broă khat gơboh ờ hềt lơh niam gơlam tus bơta lơngap lơngai, rơndap tap sèng tàm ù tiah kơnhòal dê gơlik geh kal ke, lời gơlik geh ală dơ\ gơ sơ\t cau ngòt rơngơ\t ngan mờ cau tờm gơ sơ\t cau là cau lơh broă khat gơboh. Nàng lơh niam wơl bơta do, tàm 2 nam pa do, broă lơh atbồ cau lơh broă geh sơlơ tơnguh mờ lơh pràn. Kơ nờm bơh hơ\, bơta lơngap lơngai, rơndap tap sèng tàm ù tiah kơnhòal dê sùm geh gàr niam, ờ gam gơlik geh ală jơnau ờ niam đah cau lơh broă mờ cau tờm ngui cau lơh broă dê gơlik geh tai.

Nàng atbồ cau lơh broă khat gơboh tàm ù tiah kơnhòal dê den kơnhòal neh tơnguh broă lòt sền ală mpồl lơh kòn gùng nàng khi in lơh broă jat  jơnau sồr. Sồr ală gah lơh broă geh gơ noar kuang àng mờ ală tiah sơlơ tơnguh atbồ cau lơh broă khat gơboh. Mblàng yal ai cau ngui cau lơh broă in g^t loh broă atbồ, pal g^t tiah ơm tờm bơh cau lơh broă dê, sơlơ tơnguh ală Mpồl lơh broă bal ală hìu bơnhă dê, Mpồl làng bol sền gàr bơta lơngap lơngai. Kuang àng den tơnguh broă lòt sền nàng sền gàr phan tam kung bè sền gàr bơta lơngap lơngai, ờ do ờ dă tàm ù tiah do dê.

Tu\ do, kờp bal pah nam ală tiah tàm càr Lâm Đồng dờp bơh 8 rơbô tus 10 rơbô nă cau lơh broă khat gơboh, cau lơh broă mut lơh broă. Jơh cau do, ndrờm là ală cau lơh broă [òn lơgar bè: p^c kơphê, lơh suơn, lơh broă tàm hìu drơng broă `ô sa… Tàm hơ\, ală cau lơh broă bơh ală công ty, anih tờm yal tơng^t broă lơh mìng geh pơgap bơh 700 tus 800 nă cau, gam wơl là cau lơh broă lòt jòi is broă lơh mờ dan broă lơh tàm ală hìu bơnhă, mpồl lơh sa kă bro gam kờ` geh cau lơh broă jat tơngai. Den tàng bè hơ\, nàng lơh jat niam broă atbồ, ală tiah neh lam lơh ua\ ală gùng dà broă atbồ, tơnguh broă lòt sền, bơh tu\ hơ\ kơryan cau lơh tìs, gàr niam kơ\ kơl jap bơta lơngap lơngai, rơndap tap sèng tàm ală tiah geh ua\ cau lơh broă khat gơboh. Gơ wèt mờ mpồl lơh sa kă bro tu\ ngui cau lơh broă lơh jat broă hơ mờ kuang àng ală tiah dê tàm broă atbồ, ngui, g^t loh să jan, [òn ơm kis tờm bơh tơl nă cau tus lơh broă ơpah dê, ai sră kim ta, rùp hin bơh cau lơh broă dê…

Loh làng, mờ bơta mut lơh broă bal ua\ ngan bơh ală kấp, ală gah mờ lơh jat niam ală jơnau sồr bè yal tơng^t loh să jan, lơh sră dan ơm kis ing, atbồ niam cau lơh broă khat gơ boh kung bè ai tơl bơta [ươn ai cau lơh broă in geh broă lơh mờ pria\ lơh geh, tơnguh ua\ nùs nhơm rcang ngăc ờ mìng gàr niam kơ\ kơl jap bè bơta lơngap lơngai, rơndap tap sèng, mờ gam là gùng dà broă lơh geh cồng nha ngan nàng lơh jat niam broă lơh atbồ cau lơh broă, cau ngui cau lơh broă tàm ală tiah tàm ù tiah càr Lâm Đồng dê tàm tơngai p^c kơphê tu\ do dê.

Cau cih Quang Sáng- Cau mblàng K’ Hạnh