VOV4.K’ho- Lâm Đồng geh rlau 513 rbô lồ brê, tàm hơ\ uă ngan là brê nho mờ ală bơta brê [ươn gơbàn ồs sa. Den tàng bè hơ\, broă lơh rơcăng sơndră ồs sa brê tàm tơngai do gam geh càr jơh nùs lam lơh. 

Bơh lài mờ dơ\ sa tềp bơhiàn tus tu\ do, tiah brê nho [ươn gơbàn ồs sa gơ ơm do\ jòng jăt kềng gah gùng rơndeh dờng 27C, gơl lòt gan ală xã: Dà Sar, Dà Nhim, Dà Chais bơh kơnhoàl Lạc Dương, càr Lâm Đồng dê sùm geh Mpồl ătbồ brê rơcăng gàr bồ tô dà Dà Nhim mờ ală hìu bơnhă dờp bă ătbồ sền gàr ai cau lòt drơng gàr sùm tàm ală anih drơng sền, lam lơh sền sùm nàng go\ di tu\ dilah geh ồs sa.

Ồng Ha Dinh, cau K’ho là hìu bơnhă dờp bă ătbồ sền gàr brê tàm xã Dà Sar, pà gi\t: Tài bơh tiah do rềp nhàr bal mờ [òn dờng Dà Làc, geh uă tiah lòt còp mờ anih ơm rlô jơng tềng hơđơm m[ur chi brê, pah ngai geh uă ngan cau lik mu\t tàm brê den tàng pơhìn gơbàn ồs sa tài bơh ờ kơrhia bơh broă chu ồs lơh sàl, chu jràu sơrbì jràu gam geh ồs là uă ngan. Nàng lơh niam broă rơcăng sơndră ồs sa brê, jơh tơl nă cau geh jàu kơnòl sùm lòt sền, rơcăng ngăc. Ồng Ha Dinh, đơs: Anih lơh broă bol a` dê geh broă rơndăp lơh là crơng gơs mpồl nàng jàu jơh tơl nă cau in lòt drơng sền. Dilah tu\ go\ geh ồs sa den bol a` yal tơn mờ anih lơh broă bol a` dê in, mờ anih lơh broă bol a` dê geh sơrbac mhar yal mờ Mpồl in nàng tơrgùm mpồl cau lòt crùh gơ sơ\t ồs di tu\.

Lâm Đồng pès jì khòm tơrgùm jơh ru\ rơm nhơ\t chi che hòn lềng nàng kơryan ồs sa brê

Trồ tiah tàm Lâm Đồng gam ro kơnra` ngan, tơngai duh ngan, den tàng bè hơ\ ờ go\ di mìng Mpồl ătbồ brê rơcăng gàr bồ tô dà Dà Nhim lơm mờ ală mpồl cau tờm brê ndai tàm càr kung ndrờm jơh nùs lam lơh gùng dà broă lơh rơcăng sơndră ồs sa brê.

Tàm brê nho gơ wèt tiah brê 267B, xã Hiệp An, kơnhoàl Đức Trọng, Mpồl ătbồ brê rơcăng gàr bồ tô dà Đại Ninh sùm ai cau drơng sền sùm ngai kung bè mang tơn. Jăt ồng Vương Anh Dũng, Kuang ătbồ Phòng ătbồ bơta chài sền gàr brê, Mpồl ătbồ brê rơcăng gàr bồ tô dà Đại Ninh yal, brê tiah do uă ngan là ơm rềp bal mờ tiah lơh sa, ơm kis bơh làng bol dê den tàng jơnau digơlan gơbàn ồs sa là uă ngan. Den tàng bè hơ\, ală gùng dà broă lơh rơcăng sơndră ồs sa brê neh geh mpồl sền dờng màng lam lơh bơh gờ` ngan tơn. Ồng Vương Anh Dũng, đơs: Mpồl cau tờm brê sồr lơh krà` cê jơh nùs ngan, lòt sền niam tàm ală anih pơhìn ồs sa uă nàng gơ in di tu\ tàm pơdar cau sền gàr brê geh mat tàm ală ù tiah kal ke tu\ geh bơta ồs sa.

Jăt ồng Nguyễn Khang Thiên, Kuang ătbồ Chi cục Kiểm lâm càr Lâm Đồng dê yal, kàl prang nam lài, Lâm Đồng geh 8 dơ\ ồs sa brê, mìng ồs sa [làng nhơ\t mờ ru\ rơm chi che dềt lơm den tàng bă brê gơtìp hoàc hươr ờ uă. Mơya, mờ jơnau đơs ba` sền ờ sơ\p, ờ rơcăng ngac den tàng ală broă lơh rơcăng sơndră ồs sa brê neh geh ală anih lam lơh bơh bồ kàl prang tơn. Ồng Nguyễn Khang Thiên, đơs: Bol a` neh sơlơ sồr ală Hạt Kiểm lâm, Mpồl Kiểm lâm ntrờn làm bă tiah, ală cơldu\ lơh broă ờs mờng, ală cau tờm brê lơh pràn broă lơh ătbồ sền gàr brê, rơcăng sơndră ồs sa brê. Tàm hơ\, sền dờng màng broă lơh mblàng yal, tơrgùm tàm ală anih pơhìn uă sa uă nàng kờ` lơh gơtùi broă lơh rơcăng sơndră ồs sa brê dùl bă niam ngan rlau jơh.

Cau cih Quang Sáng- Cau mblàng Lơ Mu K’Yến