VOV4.K’ho - Drim òr nao (27/08), tàm anih tờm ràng tơlik Hoà Bình, [òn dờng Dà Làc, gah chài rgơi, tàp pràn sa\ ja` mờ nhơl chờ càr Lâm Đồng neh mut lơh dơ\ ràng tơlik dà lơgar bơh 70 nam sền gàr, bơt bơtàu mờ bơtàu tơngguh. Rlau 350 phan bơna,  rùp mờ sra\ nggal geh yal tơngit ala\ jơnau rài dà lơgar go\ ngan tàm rài ntàu tam lơh ai geh tơng klàs jơi bơtìan, bơt bơtàu mờ sền gàr dà lơgar tơngai bơh nam 1945-1975. Ràng tơlik kung lời dùl bơnah geh yal  tơnggit bè cồng nha lơh sa-mpồl bơtìan càr Lâm Đồng tàm 40 nam bơt bơtàu mờ bơtàu tơngguh (1975-2015), ngan la ala\ cồng nha: Bơt bơtàu [òn lơgar pa, nhơl chờ,  lơh broa\ sa công nghệ cao,  ala\ gah lơh broa\ lơh gơs bìai bơrtèl, ơlak vang, ala\ bơta biap,  bơkàu dờng màng, lơh gơs ce mờ kơphe, phan bơka ngui niam chài.

                                                Cau mblàng K’ Brọp.